Сармат тарихына жаңа деректер қосылды

Сармат тарихына жаңа деректер қосылды

«Гуманитарлық ғылымдар және шет ел тілдері» факультетінің «Тарих» мамандығы 1 курс студенттері 5.06 күні Қызылқоға ауданы Қарабау ауылының қасында орналасқан сармат кезеңінің қорғандарына археологиялық тәжірибе өткізу мақсатында аттанып кеткен болатын.

Күні кеше яғни, 11 маусым күні қазба жұмысы барысында шамамен б.з.д. 2 ғасырға жататын сармат кезеңінің ескерткішін ашу кезінде ер және әйел адамдардың мүрделері, қыш құмыра, қола айна (диаметрі 20 см), ақық (сердолик) моншақтар, жапсырма (алтынға ұқсайтын сары металдан дайындалған), жебе ұштары табылды.

Тәжірибе жетекшісі «Археология» оқу-ғылыми зертханасының ғылыми қызметкері т.ғ.к., археолог Марат Сейітжанұлы Касенов: «Бұл жерде сармат тайпасының қорымы болуы мүмкін. Өйткені өз тәжірибемде екі мүрденің қатар жерленуін алғаш кездестіріп отырмын. Бұл қорғанды зерттеуді әрі қарай жалғастыруымыз қажет!»- деп қорытындылады. 

Жалпы Қызылқоға ауданындағы ескерткіштермен бұрын да жұмыстар жүргізіліп келді. 2005 жылы осы қорғандардың маңында орналасқан «Жолайшағыл» ескерткішінен сармат кезеңінің  «Алтын әйелі» табылған болатын.

Тәжірибеге қатынасып жүрген 1 курс студенті Мұратова Дана  қазба жұмысы туралы өз пікірін  былайша білдірді: «Менің болашақ тарихшы ретінде алған тәжірибем өте көп. Бұрын кітаптан оқып қана білген тарихи деректерді өз қолымызбен ұстап көргеннің жолы бір бөлек екен. Бұл күндер мен сияқты студенттер үшін әсерлі өтті».

Осылайша археологиялық білімдерін тәжірибе жұмыстарымен шыңдап жүрген  бір топ тарихшы-студенттер 14 маусымда ортамызға оралмақшы.

  


ПІКІРЛЕР

Тізімге қайта оралу

АтМу студенттері университеттің проректорлары дайындаған тағамдардан дәм татты

18 Окт 2019 68

Х.Досмұхамедов атындағы Атырау мемлекеттік университетінің проректорлары №3 жатақхананың асханасында кешкі ас дайындады.

Айсұлу Тәжіғалиқызы мерейлі 70 жаста

18 Окт 2019 41

Бүгін Х.Досмұхамедов атындағы Атырау мемлекеттік университетінің Иран орталығында университетіміздің қазақ тілі мен әдебиеті кафедрасының профессоры, ұстаз Айсұлу Тәжіғалиқызының 70 жас мерей тойына арналған жиын өтті.

Ақбаянды жеңісімен құттықтаймыз!

18 Окт 2019 38

Атырауда Жұмекен Нәжімеденов атындағы көркемсөз оқу шеберлерінің республикалық сайысы өтті.

«Бейне стандарттары әлемдік аренаны қалыптастырады»

18 Окт 2019 27

14 қазан күні  Университеттің 70 жылдығын қарсы алуға арналған 70 қадам бағдарламасы аясында Стандарттау күніне арналған «Бейне стандарттары әлемдік аренаны қалыптастырады» тақырыбындағы  физика, математика және ақпараттық технологиялар факультеті, физика және техникалық пәндер кафедрасының ұйымдастыруымен  дөңгелек үстел болып өтті.

Сыбайлас жемқорлыққа қарсы кездесу өтті

18 Окт 2019 40

Х.Досмұхамедов атындағы Атырау мемлекеттік университетінде "Рухани жаңғыру" бағдарламасы аясында Атырау облыстық Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) жанынан құрылған Республикалық Арнайы мониторинг топтың мүшелерімен  кездесу өтті.