Жақсының жарығы өшпейді
Бүгін, еліміздің жоғары білім беру саласының дамуына зор үлесін қосқан «Құрмет» орденінің иегері, көрнекті қоғам қайраткері, экономика ғылымдарының докторы, профессор, Ұлттық білім академиясының академигі Нұрышев Ғалымжан Жұмабайұлының 1995-2004 жылдары тұрған үйіне ескерткіш тақта орнатылды.
Шараға Атырау облысы әкімі, облыстық мекеме басшылары, білім саласының қызметкерлері, сондай-ақ ғалымның туыстары мен Х.Досмұхамедов атындағы Атырау мемлекеттік университінің профессор-оқытушылар құрамы қатынасты.
Атырау облысы әкімі Нұрлан Асқарұлы Ноғаев, Атырау облысы қоғамдық кеңесінің мүшесі, Атырау облысының құрметті азаматы Әнес Бисенұлы мен Х.Досмұхамедов атындағы Атырау мемлекеттік университетінің профессоры, ақын-жазушы Жүсіп Қадір Өтегенұлы, сондай-ақ университет ректоры, химия ғылымдарының докторы, профессор Абзал Ахатұлы Талтенов сөз сөйлеп, ескерткіш тақтаны салтанатты түрде ашты.
Шара әрі қарай Х.Досмұхамедов атындағы Атырау мемлекеттік университетінде өткен ғалымды еске алуға арналған «Жақсының жарығы өшпейді» атты дөңгелек үстелмен жалғасты. Дөңгелек үстел барысында Ғалымжан Нұрышевтың ғұмырнамасымен таныстырып, еңбек жолы мен өмір жолындағы қызықты оқиғаларымен бөлісіп, еске алды.
Малика ТАКЕЖАНҚЫЗЫ,
журналистика мамандығының студенті
ПІКІРЛЕР