Балалар университетінің жазғы маусымы аяқталды

Бүгінгі күн «Балалар университеті» бүлдіршіндері үшін тамаша күн болды. Бұл күннің ерекшелігі он күн бойы профессор-оқытушылардан тәлім алған, көп нәрсені үйреніп, бір-біріне дос та тауып үлгерген кішкентай студенттеріміз оқуларын аяқтады.

Балалар университеті жазғы маусымының жабылуына арналған салтанатты кешті Атырау мемлекеттік университетінің бірінші проректоры - стратегиялық жоспарлау және халықаралық байланыстар жөніндегі проректор Айгерім Cенбекқызы мен студент Нұрхан Шауқаров жүргізді. Шара университетіміздің ректоры Абзал Ахатұлының құттықтау сөзімен басталып, өз жалғасын тапты. 

Балалар университетінің ректоры Орынгүл Абилова сөз алып, барлық қатысушыларға алғыс айтып, осы жобаның ашылуына тікелей ықпал еткен университетіміздің бірінші проректоры - стратегиялық жоспарлау және халықаралық байланыстар жөніндегі проректор Айгерім Сенбекқызына ата-аналар атынан үлкен алғысын білдіріп, осы уақыт ішінде балалармен бірге жүрген оқытушылар мен еріктілерге алғыс хаттарын табыстады.  Балалар университетінің барлық студенттеріне диплом табысталды. Шара барысында «Балалар университеті» студенттерінің орындауында ән шырқалып, би де биленді. Кеш соңында жоба қатысушылары естелік суреттерге түсті.

 

Арайлым НАРЕШОВА,

Медиа-қызмет маманы


ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 26

                      

Тәлімгерлік жоба тұжырымдамасы өз жұмысын бастады

26 Сен 2022 43