Түлектерге - 50 жыл

Университетіміздің 1962-1967 жылдары "Физика-математика" факультетінің "Математика" бөлімі бойынша оқыған бір топ түлектері білім алып, болашақтарына жолдама алған - қара шаңырақтары білім ордасында бас қосты.

Осы жылдар ішінде бір-біріне тілектес, тілеулес болған группаластар бұл кездесуде бір-бірімен құшақтаса көрісіп, мәз-мәйрам болды. Қандай қуаныш... қандай бақыт... соншама жылдардан соңғы кездесу... Сол кездегі жас жігіттер қазіргі уақытта бір отбасының тірегі, ұрпағының амандығын тілеген ата болса, ал сол кездердегі сұлу қыздар немере-жиен тәрбиелеп отырған отбасыларының сүйікті әжесі деп айтар едім.

Кездесу барысында "Физика, математика және ақпараттық технологиялар" факультетінің деканы Кенжеғұлов Бекет Зинешұлы - университет бітіргендеріне 50 жыл болған түлектерді факультет ұжымымен бірге салтанатты түрде қарсы алып, университеттің ғимараттарын бірге аралап, таныстырды. Факультет студенттерімен үлкен аудиторияда кездескен мерейгерлер болашақ жас мамандарға студенттік кездің қимас бір шақтарынан естеліктер айтып, сыр бөлісті. Бұл қуанышты кездесу соңы түлектердің естелік суретке түсуімен жалғасын тапты.

Арайлым Нарешова
Медиа-қызмет орталығының маманы

ПІКІРЛЕР

Тізімге қайта оралу

Құттықтаймыз!

17 Май 2022 37