27.09.2022 258

Мемлекет басшысы өзінің 1 қыркүйектегі Қазақстан халқына Жолдауында «Халық үніне құлақ асатын үкімет» қағидасын ұстанудың маңызды екендігін атап өткен еді. Осыған орай еліміздің жоғары оқу орындарында «еститін мемлекет» концепциясы негізінде қоғамдық қабылдаулар ашуды қолға алды. Еліміздің жоғары оқу орындары мыңдаған білімалушылары мен оқытушылары, қызметкерлері бар әр қаладағы жүйеқұраушы мекемелер. Халел досмұхамедов атындағы Атырау университеті де өңіріміздегі аса ірі оқу орны. 8 мыңнан аса студент, 500-ге жуық профессор-оқытушы құрамы бар. Өңірдің дамуына үлес қосып отырған ірі жұмыс беруші оқу орны. Біз қоғам алдындағы жауапкершілікті толық сезінеміз және қоғаммен ашық диалогқа дайынбыз. Сондықтан Х.Досмұхамедов атындағы Атырау университетінде қоғамдық қабылдау өз жұмысын бастады. Қоғамдық қабылдау құрамында университет басшысы, тиісті салалар бойынша проректорлар мен жауапты тұлғалар бар. Сіз өзіңізді толғандырған, шешімін күткен мәселе жөнінде ауызша, жазбаша, аудио немесе бейнебаяндау арқылы қоғамдық қабылдаудың қызметіне жүгіне аласыз. Біздің міндетіміз – студенттердің, қызметкерлердің, тұрғындардың өзекті мәселелерін естіп, оның шешімін табу. Қоғамдық қабылдау "Еститін мемлекет" тұжырымдамасына сәйкес жұмыс атқарады және жоғары оқу орны арқылы халық пен билік арасындағы "алтын көпір" болуды мақсат етеді. Қоғамдық қабылдауға келіп түскен кез-келген өтініш (ұсыныс, арыз-шағым) жан-жақты қаралады. Сіз қоғамдық қабылдауға 87789920071 байланыс телефоны, k.kabyldau@asu.edu.kz электронды почтасы арқылы да хабарласа аласыз. Қоғамдық қабылдау университеттің №1 оқу ғимаратында 1 –ші қабатта орналасқан.

Тізімге қайта оралу