Үміткерлер арасында дебат өтті
26 қыркүйек күні Х.Досмұхамедов атындағы Атырау университетінде өзін-өзі басқару құрылымының президенттік сайлауына үміткерлер арасында дебат өтті. Шараға «жастар саясаты департаметінің» мамандары және университет студенттері қатысты. Пікірсайыс кезінде президенттікке үміткерлер сайлауалды жобаларымен таныстырды. Әр жыл сайын дәстүрлі түрде өтетін бұл сайлауға биыл алты студент ұсыныс білдірген. Солардың ішінен финалға жолдама алған төрт студент бүгін бақтарын сынады. Дебат қорытындысы бойынша жаратылыстану және ауыл шаруашылық ғылымдар факультетінің студенті Орынгүл Талғатова жеңіске жетсе, екінші орынды Ринат Мұқанов иеленді. Айта кетейік, ертең, яғни 27 қыркүйек күні өзін-өзі басқару құрылымының президенттік сайлауына үміткерлерге дауыс беріледі.
ПІКІРЛЕР