Тәлімгерлік жоба тұжырымдамасы өз жұмысын бастады
Х.Досмұхамедов атындағы Атырау университетімен бірлескен Педагогикалық шеберлік орталығы филиалының тренерімен тәлімгерлік жоба тұжырымдамасы өз жұмысын бастады. Бұл жобаның тақырыбы: Болашақ жас маман-Тәлімгерлік. Аталған жобаның мақсаты- жаңартылғын білім беру мазмұны бағдарламасы бойынша курстан өткен мұғалімдердің бағдарлама идеясын түсуіне көмектесу, болашақ мұғалімнің жеке тәжірибесін зерттеу арқылы оның кәсіби шеберлігінің өсуі мен педагогикалық бастамаларына қолдау көрсету. Тәлімгерлік жоба төмендегідей кезеңдерден тұрады I кезең 2022 ж қазан-желтоқсан. Бірлескен оқыту семинарлары мен кездесу өткізу. II кезең 2023 ж қаңтар-ақпан айлары. Сабақтарға қатысу. Білім алушының тәжірибелік жұмыс үдерісіне тәлімгерлік. III кезең 2023 ж наурыз-сәуір. Бірлесіп сабақ ҚМЖ жоспарлау дағдыларын жетілдіру. IY кезең 2023 ж мамыр. Қорытынды рефлексия. I кезең бойынша Педагогикалық шеберлік орталығының Атырау қаласындағы филиалының директоры Талаш Бурханқызы география, тарих, қазақ тілі мен әдебиеті, математика саласында оқитын 4-курс білім алушыларымен кездесу өткізді. Кездесуде Талаш Бурханқызы болашақ педагогикалық мамандарға ұстаз болудағы айырықша белгілерді, білім мен біліктіліктің, дағды мен жауапкершіліктің маңыздылығына тоқталып, кәсіби әңгіме өрбіді. Сонымен қатар, педагогикалық шеберлік орталығының маңызды тұстарымен негізгі бағыттарын да түсіндірді.
ПІКІРЛЕР