Эразмус+ бағдарламасының мүмкіндіктері

Эразмус+ бағдарламасының мүмкіндіктері

Эразмус+ – Еуропалық Одақтың (ЕО) білім беру саласындағы жобалары, серіктестігі, іс-шаралары мен ұтқырлығы, кәсіби оқыту және жастармен жұмыс жасауға бағытталған бағдарламасы. Эразмус+ ЕО елдерінің кең, шектеусіз, барлық салалардағы, әсіресе жоғары білім беру саласындағы халықаралық ынтымақтастықтың маңыздылығын мойындайды. Бірлескен жобалар TRIGGER жобасына тікелей қатысатын әріптес елдердің ұйымдарына пайда әкелетін нәтижелерге қол жеткізуді мақсат етеді. Бірлескен жобалар келесілерге бағытталған: – білім беру бағдарламаларын әзірлеу; – жоғары оқу орындарын жалпы және жедел басқаруды инновациялық жаңғырту; -жоғары оқу орындары мен олардың әлеуметтік-экономикалық ортасы арасындағы қатынастарды нығайту. Эразмус+ бағдарламасы аясында «Орталық Азияда түлектерді еңбекке орналастыру үшін жағдай жасау арқылы студенттердің кәсіпкерлік дағдыларын және инновациялық көзқарастарын ынталандыру» TRIGGER жобасын одан әрі жалғастыру мақсатында Атырау университетінің Ғылым департаментінің директоры, э.ғ.к. Бакирбекова А.М., «ASU Innovation» инновациялық қажеттілікті және еңбек ресурстарын зерттеу жобалық кеңсесінің жетекшісі Бисалиева Ш.С., Экономика және құқық факультетінің деканы, э.ғ.к. Адиетова Э.М. 2022 жылдың 15-16 қыркүйек күндері жоғары оқу орындары мен жұмыс берушілер арасында ынтымақтастықты құру және бітіруші түлектерді еңбекпен қамтуда ықпал ету облысындағы оқыту бойынша семинар сабақтарын ұсынып, Мансап және тәжірибе офисімен бірігіп, экономика және құқық факультетінің практика, ғылым, тәрбие бойынша жауапты оқытушылары үшін топтық жұмыстарын жүргізді. Әлемнің барлық елдері осы жобамен әртүрлі салаларда қатысатынын ескерсек, Erasmus+ бағдарламасы аясындағы барлық ұтқырлық жобалары әрбір қатысушыға қажетті дағдыларды қалыптастыруға, өзінің кәсіби деңгейін арттыруға және басқа мәдениеттер түсінігін тереңдетуге көмектесу міндетін қояды. Олар сондай-ақ қатысушы ұйымдардың әлеуетін, тартымдылығын және халықаралық ашықтығын арттыруға бағытталған. Осылайша, Эразмус+ бағдарламасы білім беру және оқыту жүйелерін жаңғырту мен тұрақты дамытуға одан әрі жәрдемдесуге, жастар саясаты мен спортты дамытуды қолдауға, сондай-ақ дағдыларды жетілдіруге және адамдарды жұмысқа орналастыру мүмкіндігін жақсартуға бағытталған. Осыған байланысты ғалым оқытушыларымыз үшін үлкен мүмкіндіктер туғызған Х.Досмұхамедов атындағы Атырау университетінің мәртебесі арта берсін. Адиетова Э.М

ПІКІРЛЕР

Тізімге қайта оралу