22.09.2022 278

Бүгін Х.Досмұхамедов атындағы Атырау университетінде қазақстан және дүниежүзі кафедрасы мен «Сарайшық» мемлекетік тарихи-мәдени музей қорының ұйымдастыруымен ресейлік және қазақстандық археологтардың қатысуымен университеттің археологиялық зерттеу жұмыстарының нәтижелеріне арналған дөңгелек үстел өтті. Шараға Әл-Фараби атындағы Қазақ Ұлттық университетінің профессоры, тарих ғылымдарының докторы Мадияр Елеуұлы, нумизмат, профессор Павел Петров, Сарайшықтанушы, археолог Вячеслав Плахов және этнограф Жасқайрат Ерназаров, «Сарайшық» мемлекеттік тарихи – мәдени музей-қорығының директоры Әбілсейіт Қапизұлы мен профессор-оқытушылар құрамы қатысты. Жиын барысында археолог Амангелді Мұғауұлы зерттеу жұмыстары кезінде табылған жәдігерлермен таныстырып, университеттің өңірдегі тарихи-мәдени орындармен тығыз қарым-қатынас орнатып, атқарылған жұмыстардың нәтежиесі де көңіл қуантарлық екенін жеткізді. Сонымен қатар шара кезінде қазіргі қазақстандық археология ғылымына тоқталып, Атырау университетіне арнайылап келген профессор-археологтар тарапынан жоғары оқу орындары арасындағы ғылыми байланыстары жайында да біраз ұсыныстар айтылды.

Тізімге қайта оралу