Жолдаудан туындайтын міндеттер талқыланды
Қазақстан Республикасы Президентінің 2017 жылдың 31 қаңтар айындағы «Қазақстанның үшінші жаңғыруы: жаһандық бәсекеге қабілеттілік» атты Жолдауын Атырау гарнизоны бойынша іске асыруға ақпараттық қолдау көрсету мақсатында Батыс аймағының әскери прокуратурасы тарапынан жұмыс жоспары әзірленіп, Атырау гарнизоны басшысының келісімімен бекітілген еді.
Осы жұмыс жоспардың 6-шы тармағының орындалуына сәйкес Атырау мемлекеттік университетінің әскери кафедрасы Атырау облысының қорғаныс істері жөніндегі департаменті базасында конференция өткізді. Конференция жұмысына Қазақстан Республикасы Ұлттық қауіпсіздік комитетінің Шекара қызметі 2016 және 2201 «Г» әскери бөлімдері, ҚР қорғаныс министрлігінің «Батыс» өңірлік қолбасшылық әскерлерінің қолбасшысы басқармасының, 41433 және 41321 әскери бөлімдерінің және әскери-техникалық мектебінің өкілдері мен бұқаралық ақпарат құралдары өкілдері қатынасты. Конференция жұмысын Батыс аймағының әскери прокуроры, әділет полковнигі Ж.Аекенов ашып, қатынасушыларға конференцияның мақсаты мен Елбасымыздың «Қазақстанның үшінші жаңғыруы: жаһандық бәсекеге қабілеттілік» атты Жолдауынан туындайтын міндеттерді іске асыру жолдарын толық түсіндіріп берді. Әрмен қарай сөз кезегі Х.Досмұхамедов атындағы Атырау мемлекеттік университетінің әскери кафедрасының мақсаттарын, тапсырмалары мен болашағын дамыту бойынша баяндама жасау үшін әскери кафедраның аға оқытушысы, запастағы әділет подполковнигі Серік Абсаматовқа берілді. Конференция негізгі мақсаты Елбасымыздың жолдауындағы тапсырмаларды орындай отырып, әскери кафедра болашағын дамыту жолдарын жаңаша форматта көрсетуге қол жеткізу мен қорғаныс саласындағы еліміздің модернизациясына кадрлық офицер мамандар дайындау ісіне әскери кафедра сапалы үлес қосуды жүзеге асыру болды.
ПІКІРЛЕР