"Ұстаз" мектебімен танысты

"Ұстаз" мектебімен танысты

Қазақстан Республикасы ғылым және жоғарғы білім вице-министрі Қуаныш Ерғалиев Атырауға келген сапарында Х.Досмұхамедов атындағы Атырау университетінің жанынан құрылған, ер балаларға арналған «Ұстаз» мектебін аралап, еліміз бойынша баламасы жоқ білім мекемесінің тыныс-тіршілігімен танысты. «Ұстаз» мектебінің директоры Сәнім Уапқызының айтуынша, биыл мұнда білім алушылар саны 20 оқушыға көбейген, осылайша қазіргі күні 85 бала оқып жатыр. Мектептің ерекшелігі – бұл жерде келешекте ұстаз мамандығын игеріп, білім жүйесіндегі ер мұғалімдердің тапшылығын азайтуға үлес қосуды ниет еткен жоғары сыныптың ұл балалары оқиды. Олардың басым бөлігі – ауылдық жерлерден. Сондықтан, олармен сөйлесіп, ұсынып-пікірлерін мұқият тыңдаған Қуаныш Асылханұлы болашақ ұстаздардың педагогиканы не себепті таңдағанына, қандай критерийлерге баса назар аударғанына қызығушылық танытты. Оқу процесінен бөлек, балалардың жатақханадағы тұрмысы мен тамақтанғанудағы ас мәзірі де вице-министрдің назарынан тыс қалмады. Жас буынмен болған жүздесу емін-жарқын, ашық форматта өтуімен есте қаларлықтай болды.

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 28

                      

Тәлімгерлік жоба тұжырымдамасы өз жұмысын бастады

26 Сен 2022 45