21.06.2022 607

Х.Досмұхамедов атындағы Атырау университетінің Ғылыми кітапхансында Инновациялық білім беру факультетінің ұйымдастыруымен және «Болашақ» корпоративтік қоры және «АМАNАТ» партиясының бастамасымен «Кедергісіз келешек» жобасы аясында «Ерекше балалар. Мінез-құлықты қолданбалы талдауға кіріспе» атты қазақ тіліне аударылған кітаптың таныстырылым рәсімі өтті. Кітап мінез-құлықты күшейту, бәсеңдету және басу жан-жақты қарастырылған қазақ тіліндегі алғашқы оқулық. Бұл қағидалар проблемалы мінез-құлықты түзетуде және әлеуметке жағымды мінез-құлықты қалыптастыруда қолданылады.Кітапта дамуында ерекшелігі бар балаларды үйрету стратегиялары да сипатталған : блоктар әдісі, тапсырмаларды қадаммен талдау, табиғи ортада үйрету, шейпинг т.с.с. Шара барысында университетіміздің профессор оқытушылары бұл оқулық ерекше балаларды (аутизм, ақыл-ой кемістігі, даму тежелісі, проблемалы мінез-құлық) тәрбиелеп, оқытып отырған мұғалімдерге, дефектологтарға, логопедтерге және ата-аналарға пайдалы екенін айтып өтті. Шараның соңында Атырау университетінің Ғылыми кітапханысының директоры Мұратбек Сәттіғұл барлық қатысушыларға алғысын айтып ризашылығын білдіріп, осындай кітаптың қоғам үшін, оқытушы мен кітапсүйер қауым үшін маңыздылығының зор екенін тілге тиек етті.

Тізімге қайта оралу