Айман Мұсақожаева- Атырау университетінде
4 маусым күні Х.Досмұхамедов атындағы Атырау университетінде Қазақстанның халық әртісі, Қазақстанның Еңбек Ері, Қазақ ұлттық өнер университетінің ректоры, профессор Мұсақожаева Айман Қожабекқызымен кездесу өтті. Жиынға «Қазақстан музыка қайраткері», «Мәдениет саласының үздігі» Гулбаршын Мұқашева, Атырау облыстық ғылыми-әдістемелік халық шығармашылығы орталығы, әдістемелік бөлім меңгерушісі Асила Жантілекова, Д.Нұрпейісова атындағы халықтық-музыка академиясы Атырау музыка колледжінің директоры Гүлнар Сәдуахасова және Басқарма төрағасы-ректор Саламат Нұрмұханұлы, университет оқытушы-профессорлар құрамы қатысты.
Саламат Нұрмұханұлы «Салтанатты шарамен тұспа тұс келген, 4 маусым – Қазақстан Республикасы Мемлекеттік рәміздер күнімен құттықтаймын.Тәуелсіздік алып, азат еліміздің мемлекеттік рәміздерінің қабылданғанына 30 жыл. Осы орайда университетімізге музыка ғылымының майталманы Айман Қожабекқызы келіп отыр. Бүгін өзіңізбен ой алмасып, кездесу өткізігіміз келген. Соны қабыл алып, келгеніңізге үлкен рахмет, қош келдіңіз» деген құттықтауын жеткізіп, алғысын айтты.
Жиын барысында қатысушы қонақтар мен университет профессорлары Айман Қожабекқызына көкейкесті сұрақтарын, пікірлерін айтты. Соның ішінде, өнертану ғылымдарының кандидаты Бақыт Тұрмағамбетова академиялық ұтқырлық бағдарламасы аясында студенттердің бір-бірімен тәжірибе алмасуы мақсатында жарты жылдық оқуға қабылдап, өңірімізде музыка өнерінің өркендеп, дамуына өз үлесін қосуды ұсынды.
Шара аясында ЮНЕСКО тарапынан берілетін Әлем әртісі атағының иегері, Қазақстан Республикасының Мемлекеттік сыйлығының лауреата, профессор Айман Мұсақожаева «Х.Досмұхамедов атындағы Атырау университетінің Құрметті профессоры» атағымен марапатталды.
ПІКІРЛЕР