Қазақ әліпбиінің латын қарпіне көшуіне не кедергі?!

Қазақ әліпбиінің латын қарпіне көшуіне не кедергі?!

Өткен аптада «Көптілді білім беру» факультетінің ұйымдастыруымен Қазақ әліпбиінің латын қарпіне көшуін талқылау бойынша дөңгелек үстел ұйымдастырылды.

Жиында Х.Досмұхамедов атындағы Атырау мемлекеттік университетінің профессоры, ф.ғ.д Қадыр Жүсіп сөз алып, оралымды ойларын ортаға салды. Өз сөзінде 2017 жылы бірден латын әліпбиіне көшуді бастауымыз қажеттігін, мұны кешіктіруге болмайтындығын айтты. Қадыр Өтегенұлының сөзін әлеуметтану ғылымдарының кандидаты Өмірбек Бекежан да құп алды.

Ал тарих пәнінің аға оқытушысы С.Дәукенов Өзбекстан елін мысалға алды. Бұл елдің небәрі бір-ақ жылдың ішінде өзге елдердің пікіріне құлақ аспай, латын әліпбиіне көшкенін тілге тиек етті. Латын әліпбиіне көшу мәселесі көтеріліп, нақты іске кіріскенде түрлі пікір айтылатынын, оның ішінде қазақ классиктерінің шығармалары оқылмай қалады деген күдік те болуы мүмкін екендігі айтылды.

Дөңгелек үстелге қатысқан тіл мамандары латын әліпбиіне толықтай көшуіміз үшін билік қазақ тілінде сөйлеу қажеттігін баса айтып өтті. Өйтпеген жағдайда латын әліпбиіне көшу мәселесі қиындай түсуі мүмкін деген күдіктерін де жеткізді.

Дөңгелек үстелде «Көптілді білім беру» факультетінің деканы, ф.ғ.к,. қауымдастырылған профессор Жұмазия Абдрахманова «Қазақ тілінде қанша төл дыбыс бар, соны анықтап алу керек. Тіліміздегі дыбыстар мен таңбаларды реттестіру қажеттігін басты назарда ұстау» керектігін атап көрсетті. Өзбекстаннан келіп Қазақ тілі мен әдебиеті мамандығында оқып жатқан 2-курс студенті Маржан Сансызбаева латын әріптеріне көшудің көршілес елдегі тәжірибесі бойынша өз ойын ортаға салды. 

 


ПІКІРЛЕР

Тізімге қайта оралу

Спартакиада жеңімпаздары анықталды

17 Янв 2020 31

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.

Әбу Насыр Әл-Фараби - 1150 жыл

16 Янв 2020 17

Шығыстың ғұлама ойшылы Әбу Насыр Әл-Фарабидің 1150 жылдық мерейтойына орай ғылыми ақпарат және сирек кездесетін әдебиеттер бөлімінде «Әл-Фараби - өркениет философы» тақырыптық әдебиеттер ұсыныс-тізімі жасалып,  «Бабалар сөзі - тәрбие көзі» кітап көрмесі ұйымдастырылды.

Андре Карстенс университетімізде

15 Янв 2020 38

Бүгін Х.Досмұхамедов атындағы Атырау мемлекеттік университетінде Қазақстандағы Нидерланды мемлекетінің елшілігінен келген Андре Карстенспен кездесу өтті.

Абай және ХХI ғасырдағы Қазақстан

14 Янв 2020 40

Биыл Абай Құнанбайұлының туғанына 175 жыл. Осыған орай, Ел Президенті Қасым-Жомарт Тоқаев "Абай және ХХІ ғасырдағы Қазақстан" атты ұлы ақынның мерейтойына арналған мақаласын жариялағаны  белгілі. Мемлекет басшы мақаласындағы негізгі мақсат пен бағытты атыраулық ғалымдар талқылап, ой қорытты.  

Абай Құнанбайұлының 175 жылдығы

14 Янв 2020 36

Ұлы ақын, композитор, философ, саясаткер, ағартушы Абай Құнанбайұлының 175 жылдығын тойлауға арналған шаралар басталғаны баршаға мәлім.