- Басты бет
- МЕДИА-РЕСУРСТАР
- Жаңалықтар
- Мектеп түлектеріне кәсіптік бағдар беру форумы өтті
Мектеп түлектеріне кәсіптік бағдар беру форумы өтті
Мамыр айының 17 күні Х.Досмұхамедов атындағы Атырау университетінде мектеп бітіруші түлектерге кәсіптік бағдар беру мәселесі бойынша облыстық форум өтті. Форумға облыс және қала мектептерінің биылғы бітіруші түлектері мен мұғалімдер келіп, жаңа оқу жылына дайындалған бағдарламалармен танысты.
Шараға облыстық мәслихат хатшысы Әлібек Ибатуллаұлы Нәутиев, Жәңгір хан атындағы Батыс Қазақстан аграрлық-техникалық университетінің студенттер контигентін қалыптастыру орталығының директоры Бейбітжан Қиланбекұлы Рахимғалиев, Батыс Қазақстан мемлекеттік медицина университетінің жауапты хатшысы Алма Елубайқызы Елеубаева мен Атырау облысы әкімінің орынбасары Нариман Бахытұлы Таушов, Д.Нұрпейісова атындағы халықтық-музыка академиясы Атырау музыка колледжінің директоры Гүлнар Манапқызы Сәдуахасова және Х.Досмұхамедов атындағы Атырау университетінің ректоры Саламат Нұрмұханұлы Идрисов қатысып, өз баяндамаларын оқыды.
-Қазіргі таңда Х.Досмұхамедов атындағы Атырау университетінде 56 білім бағдарламасы дайындалады, соның 40% -ы педагогикалық мамандықтарға негізделген. Біз педогогикалық бағыт бойынша білім беретін жоғарғы оқу орындарының бірі болғандықтан мектептерге сапалы маман дайындауға жауаптымыз. Соның негізінде, келер жылдың қарсаңында, педогогикалық мамандыққа қабылданған студенттер 1 курстан бастап әр жыл сайын практикадан өтетін болады. Әрбір білім алушы жеке мектептермен байланыстырылып, оқу бітірген жағдайда сол білім ордасына жұмысқа тұру мәселесі қарастырылады,- деді Саламат Нұрмұханұлы.
Айта кетейік, биыл республика бойынша 73 000 грант бөлінген, оның 4 мыңы Атырау облысына тиесілі.
ПІКІРЛЕР