Студенттеріміз жарады!
Нұр-Сұлтан қаласында 13-15 мамыр аралығында Жақсылық Үшкемпіров атындағы жекпе-жек сарайында алғаш рет балалар, жасөспірімдер, әйелдер және ерлер арасында KWU-дан Азия чемпионаты өтті. Азия құрлығының 12 елінен 300-ге жуық мықты спортшылар арасынан суырылып шығып, университетіміздің дене шынықтыру пәнінің мұғалімі және таңдаған спорт түрлері бойынша жаттықтырушы мамандығының 2 курс студенті Абдрахманова Аружан күміс жүлдегері атанса, Алматы қаласында Бекет Махмұтовты еске алуға арналған дзюдодан жасөспірімдер мен жастар арасында өткен Азия Кубогінде Қазақстан, Өзбекстан, Тәжікстан, Түркіменстан, Қырғызстан және АҚШ құрамаларының 500-ден астам балуандары жиналған Халықаралық жарыста дене шынықтыру және спорт мамандығының 1 курс студенті Жандарбай Аружан қола жүлдені ұтып алды.
Сонымен қатар, Ақтөбе қаласында Марат Оспановты еске алуға арналған белбеу күресінен ересектер арасында өткен Халықаралық турнирде дене шынықтыру және спорт мамандығының 1 курс студенті Жолдасқалиев Жұмабек қатысып, Қырғыстан, Өзбекстан, Индия, Ресей, Тәжікстан сынды мемлекеттен келген қарсыластарына дес бермей, 68 кг салмақта жеңімпаз атанды. Осындай жарыстарда белсене ат салыса отырып, университетіміздің беделін арттырып жүрген студенттерді жетістіктерімен шын жүректен ҚҰТТЫҚТАЙМЫЗ!
Алда болатын үлкен чемпионаттарда бақ сынап, жүлде алуларына тілектестік білдіреміз.
ПІКІРЛЕР