Алты студент Гейдар Алиев атындағы стипендияны алмақ
Х.Досмұхамедов атындағы Атырау университетінде Қазақстан мен Әзірбайжан елдерінің арасындағы байланысты нығайту мақсатында 2012 жылдан бастап Әзірбайжанның тарихы мен мәдениетін зерттеу орталығы ашылып жұмыс істеуде және жыл сайын университетіміздің үздік студенттеріне Гейдар Алиевтің стипендиясы беріліп келеді.
Бүгін университетімізге Әзірбайжан Республикасының Ақтау қаласындағы Бас консулы Эльмар Рагимоглу келіп, жылдағыдай дәстүрлі степендияны табыстады. Айта кетейік, биыл оны алуға оқу орнының білімімен және белсенділігімен көзге түсіп жүрген 25 студенті ниет білдірген. Олардың ішінен, республикалық олимпиада жеңімпазы, халықаралық IELTS сертификатының иегері атанып, түрлі жетістіктерге жеткен және оқу үлгерімімен көзге түскен алты студент шәкіртақы иесі атанды. Олар:
1.Гуманитарлық ғылымдар және өнер факультетінің студенті - Сабыржан Жұмақұлов;
2. Экономика және құқық факультетінің студенті - Ару Убенова;
3. Гуманитарлық ғылымдар және өнер факультетінің студенті - Георгий Шапошников;
4. Физика, математика және ақпараттық технологиялар факультетінің студенті - Нұржас Тойжігітов;
5. Жаратылыстану және ауылшаруашылық ғылымдары факультетінің студенті -Аружан Әліпқали;
6. Көптілді білім беру факультетінің студенті Нұрай Жұмабаева.
Стипендия иегерлерін құттықтаймыз!
ПІКІРЛЕР