«Параграф» ақпараттық жүйесі - маман кәсібилігінің кепілі
Атырау университетінің экономика және құқық факультетінде оқу үдерісін сапалы ұйымдастыру мақсатында ауқымды жұмыстар атқарылуда. Басты мақсатымыз болашақта өз қызметінде алынған білімді тиімді пайдалана алатын сапалы, білікті мамандарды даярлау екені белгілі. Осы мақсатта экономика және құқық факультетінде «Параграф» ақпараттық жүйесін таныстыру, осы жүйені пайдалану дағдыларын қалыптастыру мақсатында «ИнфоТех&Cервис» ЖШС маманы Гүлнар Сұранқұловамен кездесу өтті. Кездесуге факультет деканы, э.ғ.к. Э.М.Адиетова, сонымен қатар, азаматтық-құқықтық пәндер кафедрасының меңгерушісі, т.ғ.к. У.Х.Идресова, қылмыстық-құқықтық пәндер кафедрасының меңгерушісі, PhD Р.Н. Шайхаденов қатысты.
«Параграф» ақпараттық жүйесі өзекті, құқықтық сипатқа ие және пайда болған сұрақтарды шешу мақсатында қажетті ақпараттар көзі болып табылады. Құқықтану, құқық қорғау қызметі мамандықтарының студенттері Zakon.kz сайтындағы барлық заңнамалық актілерге ақысыз қол жеткізе алады.
Атырау университеті үшін білім алушыларға жүйеге қолжетімділік беру арқылы университетті «Параграф» ақпараттық жүйесімен қамтуды; оқу үдерісінде білім алушылармен пайдалана алатын профессор-оқытушылар құрамының оқу, әдістемелік, түсіндірме материалдарын орналастыруды; «ПРАВМЕДИА» алаңында ашық трансляциямен онлайн-конференцияларды, қашықтықтан оқытуды ұйымдастыруды ұсына алады.
Экономика және құқық факультеті
ПІКІРЛЕР