Терроризм мен экстремизмді алдын алуға арналды
Кеше Атырау мемлекеттік университетінде Атырау облысының әкімдігі мен облыстық прокуратураның ұйымдастыруымен «Атырау қаласы бойынша терроризм мен экстремизмнің алдын алу» шарасы болып өтті.
Бұл шара бойынша Атырау университетінің профессор-оқытушылар құрамымен және студенттерімен кездесу үшін Атырау қаласының прокуроры Руфат Құттықов, Атырау облыстық прокуратурасының бөлім бастығы Аслан Нұрғалиев, теолог маман Мейіржан Құлымсақов, Атырау қалалық жұмыспен қамту орталығының директорының орынбасары Нариман Салимов және Даму қорының өкілдері келді. Кездесуді Атырау университетінің ғылым жөніндегі проректоры, педагогика ғылымдарының кандидаты Саламат Идрисов ашып, қатынасушыларды келген қонақтармен таныстырды. Одан соң сөз кезегі қала прокуроры Руфат Құттықовқа берілді. Ол өз кезегінде қазіргі кездегі прокуратура саласында жасалып жатқан жаңа форматтағы жұмыстар мен өзгерістерге тоқталып, университетіміздің құқық мамандығын тамамдаушы студенттерді прокуратура саласында жұмысқа орналасуға шақырып, оның жолдары мен заңдылықтарын түсіндірді. Ал өз кезегінде сөз алған Атырау облыстық прокуратурасының бөлім бастығы Аслан Нұрғалиев жалпы қазіргі таңда дүние жүзінде және біздің елімізде де орын алып отырған терроризм мен экстремизмнің шығуы мен таралуына кеңірек тоқталып, қатынасушылардың сұрақтарына жауап берді. Кездесу барысында мінбеге шыққан теолог маман Мейіржан Құлымсақов болса слайдтар арқылы ислам дінінің атын жамылып жүрген экстремистік топтар мен ағымдардың шығу тарихы мен белгілеріне терең тоқталып, олардың басты мақсаттарын, өзіміздің дәстүрлі дініміз мен елімізде тиым салынған діни ағымдардың ара жігін толықтай ашып, қатынасушыларға көптеген пайдалы мағлұматтар берді. Әрмен қарай Даму қорының өкілдері мен Атырау қалалық жұмыспен қамту орталығының директорының орынбасары Нариман Салимов жұмыспен қамту мен жастар арасындағы кәсіпкерлікті дамыту бойынша елімізде қолға алынған ауқымды істер мен жоспарларға жастарды белсенді түрде қатысуға шақырды.
ПІКІРЛЕР