«Рухани жаңғыру және ұлттық бірегейлік»
Осындай тақырыппен Атырау мемлекеттік университетінде Қазақстан Республикасы Президенті Н.Ә.Назарбаевтың «Болашаққа бағдар: рухани жаңғыру» атты мақаласында көрсетілген жоспарлар мен басымдылықтарды нақты қолдану мен терең талқылау мақсатында дөңгелек үстел болып өтті.
Дөңгелек үстелге Атырау облысының Қазақстан халықтары Ассамблеясы, этномәдени бірлестіктер өкілдері, университет профессор-оқытушылар құрамы қатынасты.
Шараны Атырау университетінің ғылым жөніндегі проректоры, педагогика ғылымдарының кандидаты Саламат Идрисов құттықтау сөзімен ашып, жүргізіп отырды. Атырау облысының әкімі аппараты жанындағы «Қоғамдық келісім» КММ-ның басшысы Тамара Аман-Турлина өз сөзінде Елбасының бағдарламалық мақаласы – қазіргі таңда әрбір қазақстандық үшін құнды әрі ел болашағының аса маңызды бағыт-бағдарын белгілейтін құжат екендігін қатынасушыларға терең түсіндіріп берді.
«Рухани жаңғыру және ұлттық бірегейлік» атты дөңгелек үстелге қатынасқан Атырау облысының Қазақстан халықтары Ассамблеясы мен этномәдени бірлестіктер өкілдері «Былина» орыс этномәдени бірлестігі төрағасының орынбасары Зинфира Романова, «Тхоньиль» корей этномәдени бірлестігі жастар қанатының мүшесі Алина Тё, «Новруз» әзербайжан этномәдени бірлестігі жастар қанатының мүшесі Бриллиант Юсифова және Атырау университетінің «Ардагерлер» кеңесінің төрағасы, педагогика ғылымдарының кандидаты Шахман Нағимовтар Елбасының «Болашаққа бағдар: рухани жаңғыру» атты мақаласында көрсетілген міндеттердің маңыздылығы мен өзектілігіне кеңірек тоқталып, ұлттық сана құндылығының заманауи әрі рухани жаңғырығына айналуы қажеттігін айтты.
ПІКІРЛЕР