«Көкжалдар» атты жаңа туынды жарық көрді
Аталмыш туындының авторы – Атырау мемлекеттік университеті гуманитарлық ғылымдар және шетел тілдері факультетінің оқытушысы, «Жібек жолы - бауырластар» қоғамдық бірлестігінің төрағасы Үәлібай Нұрбақыт. Бүгін Атырау мемлекеттік университеті Азербайжан орталығында жаңа кітаптың тұсауы кесілді.
Шараға Атырау университетінің профессор-оқытушылар құрамы және қаладағы жоғары оқу орындар қызметкерлері мен студенттер қатысты. Салтанатты шараны тарих ғылымдарының докторы, профессор, Атырау университетінің «Мәңгілік ел» ғылыми-зерттеу орталығының директоры Аққали Ахмет ашып, кітаптың құндылығы мен тақырыбының өзектілігіне толығырақ тоқталды. Өз кезегінде «Көкжалдар» атты кітап негізінен Ежелгі көне түрік заманының ескерткіші «Тоныкөк» тас жазуы тарихын зерттеп және көктүркі қағанатын аяғынан тік тұрғызушы император Қапаған қағанның болмысын оқырманның көз алдына елестетуге тырысқан туынды екендігін және де кітап «Көкжалдар» атты тарихы поэма мен «Тас ұстындардағы тарих фактілері» атты зерттеулерінен тұратындығын атап өтті.
университеті қазақ тілі мен әдебиеті кафедрасының профессоры, филология ғылымдарының докторы Қадыр Жүсіп кітаптың әдеби құндылығы мен оқырмандар үшін тілінің көркемділігіне ерекше тоқталып, Елбасымыздың «Болашаққа бағдар: рухани жаңғыру» атты мақаласында көтерілген бабалардан мирас болып, қанымызға сіңген рухымыз бен ізгі қасиеттерімізді қайт түлету мәселесіне толық жауап бере алатындығын баса айтты.
Жиын соңында студенттердің кітап авторы Үәлібай Нұрбақыттың поэмасынан үзінділер оқып, шараны одан сайын көріктендіре түсті.
ПІКІРЛЕР