Үздік оқытушыларды құттықтаймыз!
"ЖОО үздік оқытушысы-2021" республикалық байқауының қорытындысы бойынша биыл еліміздің 45 оқу орнынан 150 оқытушы үздік деп танылды. Конкурста электронды оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т.б. сияқты көрсеткіштер бағаланды, сондай-ақ үміткердің оқыту сапасы, оның бакалавриатта, магистратурада және докторантурада кадрлар даярлау қызметіндегі еңбегі бағаланған. Аталмыш конкурсқа еліміздің 76 жоғары оқу орнынан 718 үміткер қатысқан.
Өздерінің іскерлігі мен көп жылдық тәжірибелерінің нәтижесінде Х.Досмұхамедов атындағы Атырау университетінің атынан абыройлы атаққа ие болған әріптестеріміз Қаржы және есеп кафедрасының аға оқытушысы, магистр Альдешова Самал Балғабайқызы
Бағдарламалық инженерия кафедрасының аға оқытушысы, магистр Байтемірова Нұргүл Бауыржанқызы
Бағдарламалық инженерия кафедрасы физика математика ғылымдарының кандидаты, қауымдастырылған профессор Ележанова Шынар Қапарқызы
Бағдарламалық инженерия кафедрасының меңгерушісі, техника ғылымдарының кандидаты Құрманғазиева Ләйлә Тасқалиқызы
Психология және арнайы білім беру кафедрасының меңгерушісі педагогика ғылымдарының кандидаты Шұғаева Гүлшат Қоңыратқызы Мыңға жуық білікті ұстаздармен сынға түсіп, жеңімпаз атанған әріптестерімізге бұл байқаудың қорытындысы бойынша ақшалай ынталандырудан бөлек, төсбелгі де табысталады. Сонымен қатар, әлемнің үздік университеттерінде тағылымдамадан өтуге, ғылыми еңбектерін жариялауға мол мүмкіндік алады.
Жеңімпаз оқытушыларға шығармашылық табыстар, өркендеу мен үздіксіз даму тілейміз. Еңбектеріңіз еленіп, ұстаздық мәртебелеріңіз асқақтай берсін!
ПІКІРЛЕР