Университет ұжымы қан тапсыруға қатысты
Халел Досмұхамедов атындағы Атырау университетінің профессор-оқытушылары мен қызметкерлері жаппай тәртіпсіздік кезінде зардап шеккендерге көмектесу мақсатында қан тапсырды. Медицина мамандары қан тапсыруға келгендердің қан тобын анықтап, қан қысымын өлшеп, ақыл-кеңестерін берді. Жоғары оқу орнының ұжымы ортақ іске бір кісідей атсалысып, ұйымдасқан түрде әрекет етті. Әсіресе, жас мамандар мен ұстаздар осы шараға көптеп келді. «Біз бір күн ішінде шамамен елуге тарта адамнан қан аламыз деп жоспарлап отырмыз. Қызметкерлер қан тапсыруда белсенділік танытуда», - дейді облыстық қан орталығының дәрігері Әсел Асхатқызы.
Айта кетейік, Атырауда бұған дейін тәртіпсіздік салдарынан 49 полицей мен 27 сарбаз жараланған болатын.
ПІКІРЛЕР