10 қаңтар - Қазақстан бойынша Жалпыұлттық аза тұту күні

10 қаңтар - Қазақстан бойынша Жалпыұлттық аза тұту күні

Бүгін 10 қаңтар күні - Қазақстан бойынша Жалпыұлттық аза тұту күні.

 
Ол соңғы бір апта ішіндегі бүлікшілік кезінде еліміздің бірқатар өңірінде көптеген адамның қаза табуына байланысты жарияланып отыр.


Ішкі істер министрінің міндетін атқарушы Ерлан Тұрғымбаевтың мәлімдегендей, қазіргі кезде қоғамдық тәртіпті және елдің қауіпсіздігін сақтау кезінде 16 полиция, 7 Ұлттық қауіпсіздік комитеті қызметкерінің қаза тауып, полиция, қорғаныс министрлігі және Ұлттық ұланның 1330-дей қызметкері жараланғаны белгілі болуда. Өкінішке қарай, лаңкес содырлардың атқан оғынан бейбіт тұрғындар да зардап шекті.


Осылайша, бейбіт шеруді өз мақсатына пайдаланып кеткен әлдебір арандатушы топтардың әрекетінен бейбіт күнде еліміздің атпал азаматтары оққа ұшты. Бұл - орны толмас қайғы, жазылмас жара және келешегіміз үшін - сабақ алып, жол бермеуге тырысатын оқиға болмақ.

 
Құрбан болған азаматтардың жақын-жуықтары мен отбасыларына қайғырып көңіл айтамыз! 

Біздің күшіміз - бірлікте, ел басына күн туған кезде бірлігімізді нығайтайық, елдігімізді сақтайық!

 
Тәуелсіздік - ең басты байлығымыз!

#КүшімізБірлікте


Х.Досмұхамедов атындағы Атырау
университетінің Басқарма төрағасы-ректор, педагогика ғылымдарының кандидаты,
профессор Саламат Нұрмұханұлы Идрисов



ПІКІРЛЕР

Тізімге қайта оралу

Құттықтаймыз!

17 Май 2022 11