- Басты бет
- МЕДИА-РЕСУРСТАР
- Жаңалықтар
- «БОЛАШАҚ» СТИПЕНДИЯСЫНЫҢ ИЕГЕРЛЕРІН ҚҰТТЫҚТАЙМЫЗ!
«БОЛАШАҚ» СТИПЕНДИЯСЫНЫҢ ИЕГЕРЛЕРІН ҚҰТТЫҚТАЙМЫЗ!
Биылғы жылы Республикалық комиссияның шешімімен іріктеудің үшінші легінде «Болашақ» стипендиясы 569 қазақстандыққа тағайындалған болатын. Осы негізде Х.Досмұхамедов атындағы Атырау университетенінен 4 бірдей оқытушымыз «Болашақ» стипендиясына ие болды.
Әшірханова Қарлығаш Маштайқызы,
Елжанова Шынар Қапарқызы,
Құрманғазиева Ләйлә Тасқалиқызы,
Абдол Элеонора Досжанқызы,
Әріптестерімізді құттықтай отыра, алдағы жұмыстарына шығармашылық табыстар тілейміз.
Айта кетейік, стипендия иегерлері шетелдік жоғарғы оқу орындарында магистратура, докторантура бағдарламалары бойынша білім алады. Сондай-ақ, әлемдік ғылыми және өндірістік орталықтарға тағылымдама бойынша да жіберілетін болады.
Нақтылай айтсақ, Халықаралық әріптестік және интернационалдандыру бөлімінің басшысы , PhD Әшірханова Қарлығаш Маштайқызы Германияда, Иоганн Гутенберг атындағы Майнц университетінде 3 айлық ғылыми тағылымдамадан өтеді.
Физика, математика және ақпараттық технологиялар факультеті деканының ғылыми жұмыстар жөніндегі орынбасары, "бағдарламалық инженерия" кафедрасы профессорының м.а., физика-математика ғылымдарының кандидаты Ележанова Шынар Қапарқызы 01 сәуір мен 30 қыркүйек аралығында Линкольн университетінде Ұлыбританияда 6 айлық ғылыми тағылымдамадан өтеді.
Техника ғылымдарының кандидаты, "бағдарламалық инженерия" кафедрасының меңгерушісі Құрманғазиева Ләйлә Тасқалиқызы Шотландияның Данди қаласында, Данди университетінде жарты жылдық ғылыми тағылымдамадан өтеді.
Педагогика ғылымдарының кандидаты, шет тілін оқыту әдістемесі кафедрасының меңгерушісі Абдол Элеонора Досжанқызы. «Ғалымдар» санаты бойынша Ұлыбританияның Лестер Университетінде ғылыми тағылымдамадан өтеді. «Ағылшын тілін оқыту» тақырыбы бойынша 4 айлық тағылымдама. Тағылымдамада оқытудың түрлі әдістемелерін, рефлексивті тәжірибені, Білім беруді басқару мен оқыту технологияларын, ағылшын тілін меңгерудегі барлық төрт тілдік дағдыны қамтиды.
Болашақ бағдарламасының "Ғалымдар" санаты биыл Мемлекет басшысының тапсырмасы бойынша алғаш рет бекітілді. Бұл шешім Қазақстандық ғалымдарға жетекші университеттерде, ғылыми және салалық орталықтарда жаңа білім алуға және сол арқылы елдің ғылыми әлеуетін арттыруға мүмкіндік береді.
ПІКІРЛЕР