- Басты бет
- МЕДИА-РЕСУРСТАР
- Жаңалықтар
- Ағылшын тілі мұғалімдеріне шеберлік сағаты өтті
Ағылшын тілі мұғалімдеріне шеберлік сағаты өтті
Бүгін 6 желтоқсан күні Ғылыми кеңес залында университетімізге Білім және ғылым министрлігінің «Шетелдік ғалымдарды Қазақстанның ЖОО-на тарту бағдарламасы» аясында төрт аптаға келген Түркияның Чанаккале Онсегиз Март университетінің қауымдастырылған профессоры, доктор Кюршат Джесур Атырау облысы бойынша мектеп гимназиялардың, орта мектептердің және де колледждердің ағылшын тілі мұғалімдеріне шеберлік сағатын өткізді. Сондай-ақ, шеберлік сағатқа Назарбаев зияткерлік мектебі мен Атырау университеті маңынан ашылған Ұстаз мектебінің мұғалімдері де қатысты. Шеберлік сағат барысында шетелдік ғалым қатысушы мұғалімдерге бастауыш және орта сынып оқушыларына ағылшын тілін карточкалар арқылы түрлі ойын құрастыра отырып үйрету әдісін көрсетті. Яғни, бұл әдістеме балаларға ағылшын тілі сабағын жүргізген уақытта түрлі оқу карточкаларын пайдаланып, ойын арқылы олардың оқуға деген қызығушылығынашу және де әртүрлі логикалық ойындар арқылы баланың ойлау және есте сақтау қабілетінің дамуына негізделген.
Ғалымның ағылшын тілін оқытудың өзіндік әдістемесіне қызығушылық танытқан қатысушы оқытушылар сұрақ қойып, өзара пікір алмасты.
Шеберлік сағат соңында, оқытушыларға арнайы университет атынан сертификаттар табысталды.
Шеберлік сағат Халықаралық әріптестік және интернационалдандыру бөлімі мен Көптілді білім беру факультетінің Шетел тілін оқыту әдістемесі кафедрасымен бірлесе отырып өткізілді.
ПІКІРЛЕР