Спартакиада жеңімпаздары марапатталды
Қазақстан Республикасының Тәуелсіздігінің 30 жылдық мерейтойына орай студенттер арасында факультет аралық спартакиаданың жабылу салтанаты 6 желтоқсан күні Х.Досмұхамедов атындағы Атырау университетінде ұйымдастырылды.
Спартакиада мақсаты - студент жастар арасында салауатты өмір салтын кеңінен насихаттау, бұқаралық спортты одан әрі дамыту.
Оқу ордамызда Инновациялық білім беру факультетінің ұйымдастыруымен 1 ай көлемінде өткен жарыста волейбол, баскетбол, футбол, ганбол, шахмат ойыны, үстел үсті тениссі, арқан тарту ойыны, тоғызқұмалақ сияқты спорттық ойындардың барлық түрі қамтылған. Жарыс жеңімпаздары мен жүлдегерлері медальдармен, сыйлықтармен және кубоктармен марапатталды.
Жарыс қорытындысы бойынша жеңіске жеткен командалар:
I орын – Инновациялық білім беру факультеті
II орын – Физика, математика және ақпараттық технологиялар факультеті
III орын - Экономика және құқық факультеті
Жеңімпаздарымызды жеңістерімен шын жүректен құттықтаймыз!
ПІКІРЛЕР