- Басты бет
- МЕДИА-РЕСУРСТАР
- Жаңалықтар
- Университет қабырғасында сыбайлас жемқорлыққа жол жоқ!
Университет қабырғасында сыбайлас жемқорлыққа жол жоқ!
27 қазанда Х.Досмұхамедов атындағы Атырау университетінде «Nur Otan» партиясы Атырау облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес мүшелері мен «Jas Otan» Жастар қанатының Атырау облыстық филиалы қызметкерлерінің қатысуымен «дөнгелек үстел» өтті.
«Таза сессия» республикалық акциясы аясында анықталған жоғары оқу орындарында міндеттерді іске асыруға теріс әсер ететін және сыбайлас жемқорлыққа жағдай жасайтын кемшіліктер мен олқылықтар бойынша Х.Досмұхамедов атындағы Атырау университетінің жауапты басқарма басшылығының есебі тыңдалды және «Jas Otan» Жастар қанатының 2025 жылға дейінгі «Жастар-Отанға!» бағдарламасын іске асыру шеңберінде «Jas Otan» Жастар Қанаты бөлімшесін ашу, бөлімше жетекшісін тағайындау және оқу орнындағы жастар саясаты жұмысы таныстырылды.
Жоғары оқу орнындағы сыбайлас жемқорлыққа қарсы жасалған іс-шаралармын таныстырған университет ректоры Саламат Нұрмұханұлы Идрисов жемқорлық сын-қатерлердің алдын алу және болдырмау үшін кешенді жұмыстар жүріп жатқанын айтып өтті.
Дөңгелек үстел барысында «Nur Otan» партиясы Атырау облыстық филиалы жанындағы Сыбайлас жемқорлыққа қарсы іс-әрекет жөніндегі қоғамдық Кеңес төрағасының орынбасары Ғабдуллин Айбек Серікұлы, «Nur Otan» партиясы Атырау облыстық филиалы Партиялық бақылау жөніндегі инспекторы, қоғамдық Кеңесінің мүшесі Мақсотов Роман Зұлхарнайұлы, Қоғамдық Кеңесінің мүшесі Ермуханов Нұржан Мақсотұлы, «Jas Otan» Жастар қанаты Атырау облыстық филиалының Төрағасы, Қоғамдық кеңесінің мүшесі Абылай Құрметұлы сөз сөйлеп, қоғам індетіне айналған сыбайлас жемқорлықтың алдын алу туралы өз пікірлерін айтты.
Аталған жиында Республикалық «Jas Otan» Жастар Қанатының 2019 жылғы 12-22 қыркүйек аралығында «Таза сессия» акциясы аясында өткізген анонімді әлеуметтік сауалнаманың қорытындылары талқыланды. Ол кезде студенттер сыбайлас жемқорлық фактілері орын алатынын айтқан болатын.
Жиынға қатысқан студенттер өкілдері де өз ойларымен бөлісті:
3-курс студенті Загипаров Өтесін Ерсайынұлы:
- Университет қабырғасында оқыған осы үш жылда өз басым сыбайлас жемқорлық фактілерін кездестірген жоқпын. Бәрі өзімізге байланысты, сабақ үлгерімің жақсы болса, ешқандай проблема болмайды деп ойлаймын.
2-курс студенті Болатбаев Орынбасар Бекболатұлы:
- Мен де оқып жатқан уақытымда пара сұраған, қысым көрсеткен жағдайларды кездестірмедім. Жалпы, университетте студенттер үшін барлық жағдай жасалған. Тек сабақ оқуыңды біл...
3-курс студенті Мусағалиева Айдана:
- ЖОО-да сыбайлас-жемқорлыққа қарсы іс-шарала жүргізіліп жатыр. Мысалы, Адалдық дүкені, адалдық алаңдары. Бұлар жастардың бойына жақсы қасиеттерді қалыптастырады деп ойлаймын.
3-курс студенті Жұмабаев Ерқанат Ғазизұлы:
- Университетте жемқорлықтың алдын алу үшін барлық жағдай жасалған. Жоғары оқу орны басшылығы студенттерге ашық. Кез келген уақытта тікелей немесе мессенджерлер арқылы сұрақ қойып, мәселемізді тез шеше аламыз. Сол үшін де алғысымыз шексіз.
Х.Досмұхамедов атындағы Атырау университетінде сыбайлас жемқорлықтың алдын алу және болдырмау бойынша атқарылған іс-шаралар:
- Сыбайлас жемқорлыққа қарсы нөлдік төзімділікті қалыптастыру мақсатында 2020-2021 оқу жылының наурыз айында университетте Сыбайлас жемқорлыққа қарсы күрес және әдеп қызметінің жетекшісі тағайындалды.
- Х.Досмұхамедов атындағы университетте Сыбайлас жемқорлыққа қарсы қызмет бойынша жұмыс тобы құрылды;
- Бакалавриаттың барлық білім беру бағдарламаларына мемлекеттік жалпы білім беру стандартының жалпы білім беретін пәндер циклін таңдау бойынша 2 курста "Сыбайлас жемқорлыққа қарсы мәдениетті қалыптастыру"пәні енгізілді;
- "ANTICORRUP ASU"сыбайлас жемқорлық көріністеріне төзбеушілікті қалыптастыру бойынша жоспар әзірленді және бекітілді;
- «Білім алушылардың Этикалық кодексі», « Оқытушылар мен қызметкерлердің корпоративтік мәдениет этикасы", " Академиялық адалдық кодексі» атты құжаттар әзірленіп, қолданысқа енгізілді;
- Оқыту сапасына мониторинг жүргізу мақсатында академиялық сапа жөніндегі кеңес құрылды;
- Академиялық адалдық кодексі бекітілді;
- Сонымен қатар, университет сайтында www.asu.edu.kz ректордың жеке блогы бар, онда студенттер өздерін қызықтырған сұрақтарын қоя алады.
- Әр оқу жылында қысқы және жазғы емтихан сессиялары кезінде "Таза сессия"акциялары үнемі өткізіліп тұрады. Парақорлық басқа да сыбайлас жемқорлық қылмыстары фактілерін анықтау мақсатында университетте профессор-оқытушылар құрамына, қызметкерлер мен білім алушыларға арналған Сенім телефондары, анонимдік жәшіктер орнатылған.
- Босаған гранттарды бөлу Қазақстан Республикасы Үкіметінің 2008 жылғы 23 қаңтардағы № 58 Қаулысы негізінде жоғары білім алу процесінде босаған бос білім беру гранттарын беру тәртібі негізінде жүзеге асырылады;
- Білім алушыларды келесі курстарға ауыстыру және қайта қабылдау Қазақстан Республикасының Білім беру саласындағы заңнамасында белгіленген тәртіппен жүзеге асырылады.
- Университетте "Бір терезе" қағидаты бойынша жұмыс істейтін студенттік сервис жүйесі іске асырылады - білім алушыларға қызмет көрсету орталығы , онда студенттер барлық сұрақтар бойынша жүгінеді.
- Курстан курсқа ауыстыру GPA деңгейі негізінде жүзеге асырылады, оны жыл сайын Ғылыми Кеңес талқылайды және бекітеді;
- Жыл сайын университетте Студенттер арасында "Оқытушы студенттер көзімен" сауалнамасы өткізіледі, ол ПОҚ-ның кәсіби құзыреттілігін бағалау үшін ақпарат жинауға, жемқорлық тәуекелдерін анықтауға, оқыту мен оқыту үдерісіндегі әлсіз тұстарды анықтауға мүмкіндік береді.
- Жастар арасында адамгершілік қасиетті, адалдық пен мәдениеттілікті, парасатты тұлғаның мінез-құлқының үлгісін қалыптастыру және жаңа формациядағы сыбайлас жемқорлыққа қарсы қозғалыстың жас өкілдерін дайындау мақсатында «Парасаттылық мектебі» ашылды
- Университетте мемлекеттік білім беру ұйымдарының жатақханаларында орын бөлу ережесі әзірленді. "Студенттер үйінде" орналасуды комиссия жүзеге асырады, студенттерге жатақханадан орын алуға тапсырыс студенттік кеңес арқылы беріледі. Осы жылдан бастап университет студенттер үйіне тіркелуі Platonus платформасы арқылы жүзеге асырылды.
- Университетте жүйелі түрде оқытушылар мен қызметкерлердің дәлелсіз себептермен жұмыста болмауына рейдтік тексерулер жүргізіледі , сондай-ақ ZOOM платформасындағы жазбаны талдау арқылы білім алушылардың академиялық сабақтарға қатысуына мониторинг жүргізіледі, еңбек тәртібін бұзу фактілері анықталған жағдайда, атап айтқанда дәлелді себептерсіз жұмыс орнында болмаған не басқа адамдармен ауыстырылған жағдайда акт жасалады, ол еңбек шартын бұзу туралы шешім қабылдау үшін тәртіптік комиссияға беріледі. Білім алушылар дәлелсіз себептермен сабақтарда ЖОО-ның академиялық саясатына сәйкес 36 сағаттан артық болмаған жағдайда білім алушы оқудан шығарылады.
- 2021-2022 оқу жылының басында барлық профессор –оқытушылар Сыбайлас жемқорлыққа қарсы міндеттеме қабылдады.
ПІКІРЛЕР