Мейірімді жүректі,таза ниетті "Asu Umit" қайырымдылық қоры
25 қазан күні Х.Досмұхамедов атындағы Атырау университетінде «ASU Umit» қайырымдылық қоры құрылғанына 3 жыл толу салтанатты шарасын атап өтті.
Шара барысында Әлеуметтік мәселелер және жастар саясаты жөніндегі проректор Ләйлә Ерболатқызы мен Жастар саясаты департаментінің директоры Гүлнұр Саясатқызы ақжарма тілектерін білдіріп, сәттілік тіледі.
Қордың белсенді жетекшісі Мансия Сағидоллаева бастаған қайырымдылық қорының атқарған жұмысы аз емес.
Осы шарада үлкендерге, мұқтаж жандарға көмек көрсетіп, мейірімімен, тәрбие-үлгісімен қайырымдылық іс-шараларға өз үлесін қосып, үлкендердің риясыз алғысына кенелген топтың белсенді мүшесі алғыс хатпен марапатталды. Шара соңында студенттер естелікке түсіп, бір-біріне әдемі тілектерін жеткізді.
Болашақта еліміздің өркендеуіне білімді жастар ғана биік асулардан аса алатынын ескерсек, балаларға жасаған қамқорлық елімізге еселеп қайтатыны анық. Сондықтан,мейірімді жүректі,таза ниетті "Asu Umit" қайырымдылық қорына алдағы уақытта жетістіктер мен сәттілік тілейміз.
ПІКІРЛЕР