Тоғызқұмалақ ойынынан шеберлік сағаты өтті

Тоғызқұмалақ ойынынан шеберлік сағаты өтті

25 қазан күні Инновациялық білім беру факультеті, Дене шынықтыру және бастапқы әскери дайындық кафедрасының ұйымдастыруымен Тәуелсіздігіміздің   30 жылдығы аясында «Тоғызқұмалақ» ойынынан - шеберлік сағаты өтті. Аталған іс-шараға Балалар жасөспірімдер спорт мектебінің аға жаттықтырушысы, Қазақстан Республикасының спорт шебері Ашетов Құрманбай Мұхтасарұлы , тоғызқұмалақ жаттықтырушысы, спорт шеберіне үміткер Сулейменова Айнагул Тынышкалиевна, Балалар жасөспірімдер спорт мектебінің тоғызқұмалақ жаттықтырушысы, спорт шеберіне үміткер Акаджанова Жанар Темірғалиевна және профессор- оқытушылар құрамы мен студенттер қатынасты.

Шараның мақсаты- тоғызқұмалақ ойыны мыңдаған жылдық тарихы бар, әлемдік мәдениеттің озық үлгілерімен бой теңестіре алатын интеллектуалдық ойын, логикалық ойлау­ өнері. Бұл спорт түрі адамның денесін шынықтырмаса да, ақыл-ойын дамытуға елеулі үлес қосып, ойлау қабілетін жақсартады. Сондықтан,жастар арасында аталған ойынға деген қызығушылығын артырып, белсенділік танытып, осындай ұлттық ойындарымыз арқылы ойлау қабілеті мен зердесін дамыта білу.

Шара соңында қатысушы студенттер мен оқытушылар құрамы аталмыш шараның аясы кеңеюін,әрі қарай дами беруіне тілектестік білдірді.

ПІКІРЛЕР

Тізімге қайта оралу