Рахымжан Отарбаевқа арналған кітаптың тұсаукесері өтті
20 қазан күні Х.Досмұхамедов атындағы Атырау университетінде «Рахымжан Отарбаев Руханият қоры» жеке қоры шығарған Қазақстанның еңбек сіңірген қайраткері, халықаралық Ш.Айтматов сыйлығының лауреаты, Парасат орденінің иегері Рахымжан Отарбаевтың шығармашылығы мен өміріне арналған БИОБИБЛИОГРАФИЯЛЫҚ КӨРСЕТКІШ кітабының тұсаукесері, Рахымжан Отарбаев атындағы степендияның табысталу рәсімі өтті.
Р.Отарбаевтың Библиографиялық көрсеткіші кітабының құндылығы туралы сараптама жүргізе отырып, ұлттық рухты жастар бойына сіңіре отырып, жазушы өміріне, оның шығармаларының құндылығына тоқтала отырып, жастардың бойына патриоттық сезім, Отанға деген сүйіспеншілікті, жазушы шығармаларына жастардың қызығушылығын арттыруды мақсат еткен іс-шараға Атырау облысы әкімінің орынбасары Хаменова Бақытгүл Қайыржанқызы, Х. Досмұхамедов атындағы Атырау университетінің Басқарма төрағасы-Ректоры Идрисов Саламат Нұрмұханұлы, өңірімізге танымал өнер және мәдениет қайраткерлері, университетіміздің оқытушы-профессорлар құрамы мен студенттері қатысты.
Кітаптың тұсаукесер рәсімін университет ректоры Саламат Нұрмұханұлы мен университет ректорының кеңесшісі Асхат Сәлімұлы Иманғалиев жасады.
Р.Отарбаев атындағы атаулы стипендия журналистика мамандығының 4-курс студенті, республикалық олимпиадалардың жүлдегері, озат оқушы Бибігүл Таңатароваға берілді.
Іс-шараны Х.Досмұхамедов атындағы Атырау университеті мен «Рахымжан Отарбаев Руханият қоры» жеке қоры бірлесе ұйымдастырды.
ПІКІРЛЕР