19.10.2021 93

Бүгін, 19 қазанда, Облыстық халық шығармашылық орталығында дәулескер күйші, композитор Дина Нұрпейісованың 160 жылдығына, жыр алыбы Жамбыл Жабаевтың 175 жылдығына арналған салтанатты шара өтті. Дина Нұрпейісова атындағы Академиялық қазақ халық аспаптар оркестрінің концерті арасында "Ерен еңбегі үшін" төс белгісінің иегері, профессор Төлеген Шаңғытбайұлы Қуанышевтың "Күй анасы Дина" және белгілі журналист,жаузшы, филология ғылымдарының докторы,Қазақстан Республикасының еңбек сіңірген қайраткері Уалихан Қалижанұлы Қалижановтың “Жамбыл” атты қос туындының тұсаукесері өтті.
Кітаптардың тұсаукесер рәсіміне қос автормен бірге Қазақстан Республикасының еңбек сіңірген қайраткері, профессор Тұрар Байдөсекұлы Әліпбаев, Қоғам қайраткері, облыстық ардагерлер кеңесінің төрағасы Мұрат Сақтайұлы Өтешов, Х.Досмұхамедов атындағы Атырау университеті Басқарма-төрағасы, ректор Саламат Нұрмұханұлы Идрисов қатысты.
Аталмыш мерекелік шарада туынды авторларына Атырау облысы әкімінің орынбасары Бақытгүл Қайыржанқызы Хаменова атынан алғыс хат беріліп, гүл шоқтары табысталды.
Әрі қарай, күмбір домбырадан күй төгіліп, жиналған көрерменнің көңілі шаттанды.

Тізімге қайта оралу