Атырау студенттері Еуропаның беделді жоғары оқу орнында оқуын жалғастырады
Жақында Х.Досмұхамедов атындағы Атырау университетінің көптілді білім беру, экономика және құқық, жаратылыстану және ауыл шаруашылығы факультеттерінің 10 студенті ҚР Білім және ғылым министрлігінің «Шетелде бір семестр білім алу» бағдарламасы бойынша Еуропаның жетекші жоғары оқу орындарында білім алуға мүмкіндік алды.
Студенттер бірнеше кезеңнен тұратын іріктеуден өтіп, ең лайықтылары ғана атаулы стипендияның иегері атанды. Іріктеудің басты критерийлері – ағылшын тілін жетік меңгеруі, сабақ үлгерімі жақсы, академиялық және қаржылық қарыздары болмауы керек.
2021 жылғы 13 қазанда атыраулық студенттер Польшадағы Луис Ұлттық университетінің ректоры Przemyslaw Bochenek-пен кездесіп, Х.Досмұхамедов атындағы Атырау университетінің ректоры Саламат Нұрмұханұлы Идрисовтың атынан ескерткіш сыйлық тарту етті. Ал 14 қазанда студенттеріміз Эразмус+ бағдарламасының үйлестірушісі Джастина Соколовский-Вознякпен кездесіп, бағдарлама ерекшеліктерімен танысты. Студентер, сонымен қатар, жоғары оқу орнының зертханалары мен оқу аудиторияларын аралады.
Осы академиялық ұтқырлық бағдарламасы студенттерімізге өз әлеуеттерін толықтай жүзеге асыруға мүмкіндік береді деп сенеміз. Өйткені National Luis University Жоғары бизнес мектебі әлемде үлкен ғылыми-зерттеу орталықтарымен әйгілі.
ПІКІРЛЕР