Университет күмбірлеген күйге бөленді
18 қазанда Х.Досмұхамедов атындағы Атырау Университетінде Гуманитарлық ғылымдар және өнер факультеті музыка және өнер кафедрасыныңстуденттік халықтық аспаптар оркестрінің студенттері Республикалық «Ұлы дала кеңесі» жобасы аясында флешмоб өткізді. «Нағыз қазақ қазақ емес,нағыз қазақ –домбыра» атты іс-шарада халықтық аспаптар оркестр Нұрғиса Тілендиевтың күйлерін, тағы да басқа композиторлардың классикалық шығармаларын орындады. Оркестрдің дирижеры доцент, Қазақстан Республикасының мәдениет қайраткері,Қазақстан күйшілер Одағының мүшесі Кипиев Қуанышқали Мизамұлы келген көрермендерге алғысын айтып, болашақта осындай жобалар көп болатының сенімін білдірді.Бұл жобаны Х.Досмұхамедов атындағы Университет және ТШО жанындағы «Ынтымақ Атырау» қоры бірігіп іске асыруда. Жобаға республикамыздың әрбір облысының білім ордалары мен білім ұйымдары қатысты. Іс шараның соңында көптілді білім беру факультеті «Аударма ісі және шетел тілдері» кафедрасының меңгерушісі Ақмарал Хатифқызы Хайржанова және «Аударма ісі» мамандығының 3 курс студенті Асия Исламова ризашылықтарын айтып, жылы лебізін білдірді.
ПІКІРЛЕР