Паралимпиада жүлдегерлері Атырау университетінде
Бүгін, 15 қазанда, Х.Досмұхамедов атындағы Атырау университетінің Жайық спорт кешенінде Токио қаласында өткен Паралимпиада жүлдегерлерімен кездесу өтті. Жеңімпаздарды ұлықтауға арналған кездесуге университет профессор-оқытушылар құрамы, қызметкерлер және студенттер қатысты.
Паралмпиада ойындарында парадзюдо күресінен күміс жүлдегер атанған жерлестеріміз Зарина Боранбайқызы, Теміржан Серікұлы, университет түлегі, әлемдік додада топ жарып, ел мерейін асырған Ануар Берікұлы, Парадюзюдодан Қазақстан Республикасының Ұлттық құрама командасының бас жаттықтырушысы Жандос Қарақожаұлымен келді.
Салтанатты шарада сөз сөйлеген Х.Досмұхамедов атындағы Атырау университетінің Басқарма төрағасы-ректоры Саламат Нұрмұханұлы спортшыларды жеңісімен құттықтап, осы жігерлі жеңістерімен өскелең ұрпаққа үлкен үлгі болғандарын, жерлестерімізді мақтан тұтатынын жеткізді. Бейнелеу өнері және дизайн кафедрасының профессор-оқытушысы Қамбарбек Хасенұлы салған жеңімпаздардың портреттерін спортшыларға сыйға тартты.
Атырау облыстық денешынықтыру және спорт басқармасының басшысы Ибрагимов Ринат Хисаұлы жеңімпаздарымызды құттықтап, студенттерге жылы лебіздерін білдірді.
Жиын соңында студенттеріміз жүлдегерлерге сұрақтарын қойып, пікір алмасты.
ПІКІРЛЕР