Басқарма төрағасы-ректор халық алдында есеп берді
14 қазанда сағат 15.00-де «Х.Досмұхамедов атындағы Атырау университеті» КеАҚ Басқарма төрағасы-ректоры Саламат Нұрмұханұлы Идрисов халық алдындағы есептік кездесуін өткізді. Кездесу ZOOM платформасында, университеттің әлеуметтік желілердегі ресми парақшаларында тікелей эфирде жіберілді. Сонымен қатар, оқу орнының Ғылыми кеңес залында өңірдің білім-ғылым саласы мекемелерінің басшылары, ғылыми кеңес мүшелері, студенттер қатысты.
Жоғары оқу орындары ректорларының қоғам алдындағы есеп беру кездесулері Қазақстан Республикасы Білім және ғылым министрінің 2018 жылғы 30 қазандағы № 595 бұйрығымен бекітілген Жоғары және (немесе) жоғары оқу орнынан кейінгі білім беру ұйымдары қызметінің үлгілік қағидаларына сәйкес өтеді. Үлгілік қағидаларға сәйкес, Университет ректоры оқу жылының аяқталуы бойынша оқу орнының білім беру, ғылыми-зерттеу және қаржылық қызметі мәселелері жөнінде есеп беру кездесулерін өткізеді.
Университет ректоры Саламат Нұрмұханұлы өз есебінде университеттің білім, ғылым, халықаралық байланыс, тәрбие, әлеуметтік саясат және қазіргі жоғары білім саласына қойылып отырған талаптарға сай алдағы тұрған бағыттарды қамтиды.
Баяндамадан соң қатысушылар сұрақ қойып, өздерін толғандырған сауалдарына жауап алды.
ПІКІРЛЕР