СТУДЕНТТІК ӨЗІН-ӨЗІ БАСҚАРУ ҰЙЫМДАРЫНЫҢ ТИІМДІЛІГІН АРТТЫРУ СЕМИНАРЫ ӨТТІ
Х.Досмұхамедов атындағы Атырау университеті ғылыми кеңес залында, Гуманитарлық ғылымдар және өнер факультеті мен Көптілді білім беру факультетінің ұйымдастыруымен «Студенттік өзін-өзі басқару ұйымдарының тиімділігін арттыру» тақырыбында семинар болып өтті. Семинардың мақсаты факульттер арасындағы ынтымақтастықты нығайту және студенттік өзін-өзі басқару ұйымдарының белсенділігін арттыру болды. Факультеттердің тәрбие ісі жөніндегі декан орынбасарлары Нұрасила Амангелдіқызы мен Жадыра Қадырбекқызы сөз сөйлеп, студенттерді Университеттің қоғамдық өміріне белсенді араласуға, ғылыми бағыттағы конференцияларға қатысуға, әлеуметтік желіде сауатты болуға шақырды. Университет ректоры парақшасынан бастап, университеттің және факультеттің желідегі парақшаларында жаңалықтармен танысып, өз ойлары мен пікірлерін ашық білдіруге бағыттады. Сонымен қатар факультеттің студенттік деканды студенттік өзін-өзі басқару ұйымдарымен таныстырып, олардың мақсаты мен міндетін, атқаратын қызметтерін таныстырды.
ПІКІРЛЕР