Жігері жасымаған жеңімпаздар
13 қазанда Х.Досмұхамедов атындағы Атырау университеті студенттері әлемдік додаларда үлкен нәтижелер көрсетіп жүрген Атырау облыстық мүгедектер спорттық клубының спортшыларымен кездесті.
Өзін-өзі дамытуда спорт арқылы шектеусіз мүмкіндік көрсетіп, ерекше жігерімен, биік рухымен тұтас қоғамға үлгі болған спортшыларымызбен таныстырып, спортты насихаттауды мақсат еткен кездесуге Қазақстан Республикасының VI спартакиада ойындарының чемпионы, Х.Досмұхамедов атындағы Атырау университетінің Экономика және құқық факультетінің 4 курс студенті Айгүл Насихатова, халықаралық дәрежедегі спорт шебері, БАӘ-дегі бүкіләлемдік ойындардың абсолюталық чемпионы, Қазақстан Республикасының VI спартакиада ойындарының күміс жүлдегері, Х.Досмұхамедов атындағы Атырау университетінің Инновациялық білім беру факультетінің 3 курс студенті Али Махулбеков, «IWAS» 2016 бүкіләлемдік ойындардың алтын жүлдегері, жасөспірімдер Азия ойындарының күміс жүлдегері, Қазақстан Республикасының VI спартакиада ойындарының алтын жүлдегері, Х.Досмұхамедов атындағы Атырау университетінің Көптілді білім беру факультетінің 2 курс студенті Жұлдыз Ерубаева, Халықаралық дәрежедегі спорт шебері, Дүниежүзілік AWAS ойындарының күміс жүлдегері, Қазақстан Республикасының VI спартакиада ойындарының чемпионы. Х.Досмұхамедов атындағы Атырау университетінің Инновациялық білім беру факультетінің 2 курс студенті Ерлан Қазиев келіп, өз жетістіктеріне жету жолдарынан сыр шертті.
Шарада сөз сөйлеген Х.Досмұхамедов атындағы Атырау университетінің Басқарма-төрағасы-ректор Саламат Нұрмұханұлы Идрисов спортшыларды жеңістерімен құттықтап, оларға 4 жылдық оқу ақысына жеңілдік беру туралы өз ұсынысын айтып, университет ұжымының атынан сыйлықтар берді.
Қазақстан Республикасының Еңбек сіңірген жаттықтырушысы, Қазақстан Республикасының Ұлттық параолимпиядалық комитетінің үстел үсті теннисінен аға жаттықтырушы Гүлнар Абілхайырқызы Иманалиеваға да студенттерге жылы лебіздерін білдірді.
Жиынның соңы студенттер сауалдарын қойып, жеңімпаздар өз ойларымен бөлісіп,естелік суретке түсумен аяқталды.
ПІКІРЛЕР