Басты мақсат – білім сапасын бірлесе көтеру
Қай уақытта болса да қоғамдық дамудың басты кепілі білім беру саласы екені бәрімізге анық. Бәсекеге қабілетті жас мамандарды дайындауда ЖОО-ларда берілетін білімнің сапасы маңызды.
Осы негізде 16 қыркүйек күні Академиялық мәселелер жөніндегі проректор Асхат Ералыұлы еdunavigator.kz продакт менеджері Тимур Бектұр, BTS education бизнесті дамыту бөлімінің жетекшісі Дәулет Айтмаханов, BTS education бизнесті дамыту бөлімінің менеджері Ануар Дильмагамбетовпен кездесті.
Кездесудің басты мақсаты университетіміздің білім сапасын көтеру, соның ішінде педагогикалық мамандықты бітіретін түлектердің нарық талабына сай дағдыларға ие болуын қамтамасыз ету, сонымен қатар Атырау өңірінің жаңа мамандықтар атласын жасақтау, университет базасында облыс бойынша IT орталықтарын ашу сынды сұрақтар талқыланып, ұсыныстар айтылды. Сондай-ақ, білім бағдарламалар сұранысына зерттеу жасау арқылы ерте кәсіби бағыт бағдар беру мәселелері де назардан тыс қалмады.
Өңіріміздегі білім сапасын көтеру мақсатында бұл кездесу алдағы уақытта жалғасын тауып, болашаққа үлкен жобалар жоспарлануда.
ПІКІРЛЕР