Қыз тәрбиесі – ұлттық тәрбие
Атырау мемлекеттік университеті инновациялық білім беру факультетінің психология және арнайы білім беру кафедрасының жылдық жоспарына сай №2 мектеп филиалында жоғары сынып оқушыларына арналған «Бүгінгі бала – ертеңгі ата-ана» атты шара өтті.
Тәрбиелік шараның мақсаты: дені сау ұрпақ дүниеге әкелу мақсатында қыз балалармен пікір алмасып, оларға кеңес беру.
Шараның барысында психология мамандығының 2 курс студенттері оқушыларға өз жобаларын таныстырып, оқушылармен пікір таластырды. Оқушылар өз ой-пікірлерімен бөлісіп, қыз балалар тәрбиесіне байланысты көркемсөз оқып, ән айтылып, жаңа ақпараттар алды. Шара соңында оқушыларға өз мамандықтары жөнінде сұрақтарға жауап беріп, кәсіби бағыт-бағдар берілді.
Н.Б.Қарабаева,
психология және арнайы білім беру кафедрасының аға оқытушысы, магистр
ПІКІРЛЕР