Университет командасы республикалық «ARSU IT Spring» олимпиадасына қатысты
Х.Досмұхамедов атындағы Атырау мемлекеттік университетінің командасы 2017 жылы 21-22 сәуірде Қ.Жұбанов атындағы Ақтөбе өңірлік мемлекеттік университеті базасында өткен «ARSU IT Spring» программалау бойынша Республикалық олимпиадасына қатысты.
Олимпиадаға республикамыздың 11 жоғары оқу орындарының ұсынылған программалау тілдерінде тиімді алгоритмдерді тауып, қатесіз және тез программалайтын үздік студенттері қатысты.
Олимпиада командалық және жеке біріншілік түрінде өткізілді. Бірінші кезеңде ЖОО команда мүшелері тапсырмаларды бірлесе отырып шешеді. Бірінші кезең нәтижелері бойынша жеңімпаз командалар анықталды. Екінші кезең бірінші кезеңнің қорытындысынан тәуелсіз өткізілді. Екінші кезең нәтижелері бойынша жеңімпаз студенттер анықталды.
АтМУ командасы құрамында университет намысын 5В011100-Информатика мамандығы 3-курс студенті Қабиденова Айзада, 5В060200-Информатика мамандығы 2-курс студенті Жанболаев Бекжан, 5В011100-Информатика мамандығы 1-курс студенті Аманкусова Лаура қорғады.
Олимпиада нәтижесінде АтМУ студенттері 11 команданың ішінде жеңімпаз атанып, 1-орынды жеңіп алды. Жеке біріншілікте Қабиденова Айзада жүлделі 2-орынға ие болды. Команда жетекшісі қауымдастырылған профессор Ғ.Салтанова
ПІКІРЛЕР