Алдын-ала бақылау сынағы қалай өтті?

6 мамырда Халел Досмұхамедов атындағы Атырау мемлекеттік университетіндегі 2017 жылғы ҰБТ алдын-ала бақылау сынағына келген мектеп түлектерін танымал қазақстандық эстрада жұлдызы Қайрат Нұртас арнайы келіп, құттықтап, алдағы сынақта сәттілік тіледі.

Бұл салтанатты шараға облыстық дәрежедегі 5 мектеп (Облыстық дарынды балалар мектеп-интернаты, Ж.Досмұхамедов атындағы дарынды балаларға арналған лицей, Атырау облыстық Қазақ-түрік лицейі, Н.Тілендиев атындағы Кіші өнер академиясы және облыстық дарынды балаларға арналған ұлттық гимназия) мен қалалық 57 мектептен  биылғы оқу жылында мектеп бітіретін 1478 оқушы қатынасты. Салтанатты шара Атырау университетінің спорттық-мәдени кешенінде басталды. Бұл салтанатты шараны Х.Досмұхамедов атындағы Атырау мемлекеттік университетінің ректоры, химия ғылымдарының докторы, профессор Абзал Талтенов құттықтау сөз сөйлеп ашып, жиналған мектеп түлектеріне сәт сапар тіледі. Ауқымды шараның сәнін осы кештің құрметті қонағы қазақ эстрадасының жарық жұлдызы Қайрат Нұртастың оқушыларға арнаған ақ тілектері мен әсем әндері келтірді. Одан соң, тамаша көңіл күйдегі мектеп оқушылары Атырау университетінде алдын ала дайындалған аудиторияларға орналастырылып, сынақ тестілерін шығаруға отырды. Бақылау сынағының қорытындысы бойынша облыстық деңгейдегі мектептерден қатынасқан 262 оқушылардың орташа көрсеткіші 96,24 баллды құраса қалалық 57 мектептерден қатынасқан 1216 оқушылардың орташа көрсеткіші 69,44 баллды көрсетті.

Биылғы жылы Ұлттық бірыңғай тестілеу форматы өзгеріп,  екі кезеңде өтетіндігін атап өтеміз.  


ПІКІРЛЕР

Тізімге қайта оралу

Республикалық Абай күні

9 Авг 2020 9

Республикалық Абай күніне  орай Х.Досмұхамедов атындағы Атырау университетінің ректоры Саламат Нұрмұханұлы  Абай Құнанбайұлының рухани мұрасының ажырамас бөлігі "Алтыншы қара сөзін" оқыды.