«Жігіт сұлтаны – 2017»
Кеше яғни, 4 мамырда университетімізде жастар саясаты департаментінің ұйымдастыруымен алғаш рет «Жігіт сұлтаны - 2017» байқауы өткен болатын.
Мақсаты – қабілетті, білімді, спортқа икемді, еңбекке бейімді, сегіз қырлы - бір сырлы, студентті анықтау. Байқау үш бөлімнен тұрды: бірінші бөлім – таныстыру, екінші бөлім – сұрақ – жауап, яғни қатысушылар салт – дәстүр бойынша қойылған сұрақтарға жауап берді. Үшінші бөлім «Жігітке жеті өнерде аз» тақырыпқа сай жігіттер өнерлерін ортаға салды. Және де атқа міну, кір тасын көтеу секілді споттық сайыстардан да бақ сынады. 8 студент қатысқан бұл байқауда, барлық қатысушылар ақшалай және алғыс хатпен марапатталды. Әділқазылардың қорытынды шешімі бойынша 10000 теңгелік сертификатпен 3 орынды журналистика мамандығының 2 курс студенті Таңатаров Қуаныш, жүлделі 2 орынды 20000 теңгелік сертификатпен қаржы мамандығының 1 курс студенті Қуанғалиев Хайдар иеленді. Ерекше өнерімен көрерменді таңқалдырған дене шынықтыру және спорт мамандығының 4 курс студенті Сапаров Ершат «Жігіт сұлтаны - 2017» атағына лайық деп танылып, 30000 теңгелік сертификатпен марапатталды. Айта кетсек, Ершат Мемлекеттік күзет қызметі, 0112 әскери бөлімі Президенттік полкі «Айбын» қатарында қызмет етіп келген болатын. Барлық қатысушыларды жеңістерімен қатар 7 – мамыр Отан қорғаушылар күнімен құттықтаймыз!
Алтынай СӘЛІМГЕРЕЙҚЫЗЫ,
журналистика мамандығының 3 курс студенті
ПІКІРЛЕР