Сарайшыққа сапар

Сарайшыққа сапар

Біз сонау Өзбекстан Республикасы мен Қытай Халық Республикасынан келген қазақ жастарымыз. Қазіргі уақытта Көптілді білім беру факультетінің дайындық бөлімінде тәлім алып жатырмыз.

Оқып жатқанымызға аз ғана уақыт болды. Осы аз уақытта өзімізге көптеген білім алдық, өмірлік тәжірибе жинадық. Негізгі пәндердің ішінде Қазақстан тарихы оқытылып жатыр. «Қазақстан тарихы» оқулығы көне замандардан бастап Қазақстанның тәуелсіздігіне дейінгі кезеңдерді қамтиды. Біз білсек, Қазақстан Республикасында 2 миллионға жуық тарихи ескерткіштер бар екен. Атап өтетін болсақ, Алматы облысынан табылған «Алтын адам», Түркістан қаласындағы Қожа Ахмет Яссауи кесенесі, Маңғыстау облысындағы Бекет-ата ескерткіші, айта берсек көп. Міне, осындай ескерткіштердің бірі – Ұлы Жібек жолындағы Алтын Орда мемлекетінің тұсында салынған орта ғасырлық Сарайшық қаласының орны. 8 сәуір Халықаралық тарихи және мәдени ескерткіштерді қорғау күніне орай, 15 сәуірде Көптілді білім білім беру факультетінен 50-ге жуық тыңдаушы болып көне Сарайшыққа саяхат жасадық. Бізге тарих ғылымының кандидаты, археолог Марат Қасенов және Көптілді білім беру факультетінң оқытушылары Даукенов Серік, Турапи Адилжан жетекшілік етті.

Біз бұл саяхатымызда хандар кесенесіне бардық. Онда қасиетті ағаш бар екен. Сарайшықтың орнын сақтап, оны қорғаудың алғашқы жанашырларының бірі, Сарайшықтың материалдарын жинап, мұражай ашқан оны біраз уақыт басқарған жергілікті өлкетанушы, марқұм М.Намазғалиев екен. Мұражайда әртүрлі ескерткіштерді тамашаладық. Маған қатты ұнағаны Жәнібек ханның қызы жайлы болған «Алтын қайық» туралы әңгімесі. Мұражай жанындағы мешітке де кіре кеттік. Сарайшық қаласының орнында болдық. Қазір Жайықтың жылдам ағысты суы Сарайшық қаласының бірнеше ғасырлар бойы сақталған мәдени қабаттарын шайып кетіп, түгі қалмай жойылып жатыр екен. Сарайшық қаласының бұл жағдайы көңілді алаңдатады.

Біздің көне Сарайшыққа саяхатымыз қызықты болды. Көптеген сұрақтарға жауап алып, тарих қойнауына бір сүңгіп қайттық.

 

Маржан САНСЫЗБАЕВА,

Көптілді білім беру факультетінің тыңдаушысы 

ПІКІРЛЕР

Тізімге қайта оралу

IT орталығы ашылды

21 Май 2018 65

Өңірімізде «Цифрлы Қазақстан», «Рухани жаңғыру», шағын және орта бизнесті қолдау бағытында мемлекеттік бағдарламаларды іске асыру мақсатында «Нұр Отан» партиясы Атырау облыстық филиалы мен Халел Досмұхамедов атындағы Атырау мемлекеттік университеті арасындағы өзара ынтымақтастық меморандумы аясында «IT орталығының» салтанаты ашылу рәсімі болып өтті.

100 жаңа оқулық жобасы

21 Май 2018 69

Елбасының «Болашаққа бағдар: рухани жаңғыру» мақаласы еліміздің дамуында ерекше орын алуда. «Жаңа гуманитарлық ғылым. Қазақ тіліндегі 100 жаңа оқулық» жобасы бойынша Х.Досмұхамедов атындағы Атырау мемлекеттік университетіне 17 түрлі кітап тапсырылды.

«Ашық есік» күні өтті

21 Май 2018 67

19 мамыр күні Х.Досмұхамедов атындағы Атырау мемлекеттік университетінде Атырау қаласының колледж түлектері үшін  Ашық есік күні өткізілді. Атаулы шараға Исатай ауданының түлектері және ата – аналар, ұстаздар да қатысты.

«Сәлем саған, Ақ-Жайық»

14 Май 2018 63

Биыл Құрманғазы Сағырбайұлының туғанына 200 жыл. Осыған орай  Құрманғазы атындағы қазақ мемлекеттік академиялық халық аспаптары оркестрі Атырау облысына гастрольдік сапармен келді.

Азия чемпионатынан алтын арқалады

14 Май 2018 42

Моңғол елінде Самбодан ересектер арасында Азия чемпионаты өтті.