Әскери кафедраға – 5 жыл!
10 маусымда Басқарма төрағасы-ректор Саламат Нұрмұханұлы Әскери кафедра меңгерушісі Серік Акирұлы мен кафедра оқытушыларын қабылдап, кафедра тарихындағы ең елеулі даталардың бірі – бес жылдық мерейтойымен құттықтады.
Қазақстан Республикасы Үкіметінің 2016 жылғы 10 маусымдағы N344 қаулысына сәйкес университетіміздің жанынан Әскери кафедра құрылған болатын.
Әскери кафедраның негізгі міндеті ҚР 2005 жылдың 07 қаңтарындағы «Қазақстан Республикасының Қарулы Күштері мен Қорғанысы туралы» Заңының 7 бабының 6 тармағына сәйкес, Қазақстан Республикасының Қарулы Күштері үшін запастағы офицерлерді даярлау. Бес жыл аралығында кәсіби бағытта кафедрада жүзеге асырылған жұмыстар аз емес. Осы бағытта жасалған еңбектеріңізге ризашылығымызды білдіреміз.
Құрметті Әскери кафедра ұжымы! Міндеті мен маңызы жоғары берекелі жұмыстарыңызға толағай табыс тілейміз. Елімізді қорғар отансүйгіш, ержүрек азаматтарға әскери бағытта тәлім-тәрбие мен тәжірибе беру жолындағы еңбектеріңіз елене берсін!
ПІКІРЛЕР