"Шетел азаматтарына кәсіби бағыт-бағдар беру" атты онлайн-кездесу
4 маусым күні Инновациялық білім беру факультетінің ұйымдастыруымен Шетел азаматтарына кәсіби бағыт-бағдар беру мақсатында Өзбекстан Республикасы Мойнақ ауданы 18-ші жалпы орта мектебі түлектері, ата - аналар және аталған мектептің директоры Тұрланов Абдіразақ Зайырбайұлы мырза және осы мектептің биология пәні оқытушы Шарапиев Тимур Дарьябайұлы және де осы мектеп қызметкерлерімен кездесу өткізді.
Кездесу барысында инновациялық білім беру факультетінің тәрбие ісі жөніндегі декан орынбасары Айман Әшірқызы Қалдыбаева кеш конақтарымен және катысушылармен таныстыра отырып, алғы сөз кезегін Әлеуметтік мәселелер және жастар саясаты жөніндегі проректоры Қойшығұлова Ләйлә Ерболатқызына жолдады. Университеттің білім беру жүйесінде өзіндік тарихы мен тәжірибесі бар халықаралық деңгейдегі бәсекеге қабілетті мамандар даярлайтын жоғарғы оқу орны екендігін, өзінің 70-жылдан астам тарихында Батыс Қазақстан аймағындағы ірі білім және ғылым орталығына айналғаны жөнінде ақпарат беріп өтті. Кейіннен факультет деканы, п.ғ.д. А.У.Муханбетжанова факультет туралы ақпарат, жетістіктерімізді, оқып жатқан шетел азаматтарының санына тоқталып өтті. Кафедра меңгерушілері п.ғ.к. Аралбаев А.С., п.ғ.к. Шугаева Н.К., п.ғ.к. Утешкалиева А.М. білім бағдарламалары туралы, қабылдау комиссиясының ережелері туралы ақпаратты кабылдау комиссиясының жауапты хатшысы Р.А.Қанатбаева, құжаттарды рәсімдеу жолдарын түсіндіру мақсатындағы ақпаратты Халықаралық әріптестік және интернационализация бөлім басшысы Қарлығаш Маштайқызы Әшірханова мағлұмат беріп өтті.
Сонымен қатар ЗУММ платформасы бойынша қатысып отырған көп тілді дайындық кафедрасының меңгерушісі Жұмазия Мажитқызы шетел азаматтарының ҚР оқу орындарында оқуға кешенді тестілеуге кіретін пәндерді оқыту барысында алатын мамандығына байланысты дайындығын ұйымдастыру жөнінде толыққанды түсіндірме жұмыстарын жасады.
Кеш конақтары сұрақтарына жауапта алып отырды. Кеш соныңда оқытушылар құрамы атап айтсақ Дене шынықтыру және бастапқы әскери дайындық кафедрасының аға оқытушысы, жаттықтырушы Н.Мамбетов, педагогика кафедрасының аға оқытушысы Г.Г.Жұбангалиева мектеп түлектеріне жылы лебіздерін білдіріп Атырау университетіне оқуға шақырды, сонымен қатар оқып жатырған шетел азамат студенттеріміз Құдайбергенова Жайна, Ишимов Наурызбек, Конакбай Тұрғанбек университет профессор – оқытушылар құрамына алғысын айтып, шетел азаматтарын оқуға шақырды.
ПІКІРЛЕР