Мектеппен байланыс

Х.Досмұхамедов атындағы Атырау мемлекеттік университетінің мамандықтарын насихаттау мақсатында кафедралар тарапынан түрлі іс-шаралар ұйымдастырылады.

Атап айтқанда, университеттің тәжірибелі оқытушылары мектептерге барып, биылғы ҰБТ ерекшеліктері жайында баяндап, жастарға мамандық таңдауда кеңестер жүргізуде. Осындай кездесуді жақында оқу орнының Шетел тілін оқыту әдістемесі кафедрасының оқытушылары Атырау қаласының №2 орта мектебі мен №34 лингвистикалық мектеп-гимназиясына өткізді. Оқытушылар мектеп мұғалімдерімен шетел тілдерін оқыту мәселесі, оқушылардың ағылшын және басқа да шетел тілдеріне деген қызығушылығы, тиімді әдістерді қолдану тәсілдері жайында пікір алмасты. Сондай-ақ жоғары сынып оқушыларымен кездесіп, оларға мамандық таңдауға қатысты кеңестерін айтып, кәсіби бағдар жұмыстарын жүргізді.  

 


ПІКІРЛЕР

Тізімге қайта оралу