СЫБАЙЛАС ЖЕМҚОРЛЫҚПЕН КҮРЕС БАЯНДЫ БОЛАШАҚТЫҢ КЕПІЛІ
13 мамырда Х.Досмұхамедов атындағы Атырау Университетінде «СЫБАЙЛАС ЖЕМҚОРЛЫҚПЕН КҮРЕС БАЯНДЫ БОЛАШАҚТЫҢ КЕПІЛІ» атты профессор-оқытушылар мен магистранттарға, студенттерге арналған кездесу өтті.
Кездесудің қонағы Әдеп және жемқорлыққа қарсы іс-қимыл қызметінің жетекшісі Мұхамбеталиев Шыңғыс Нұржанұлы болды. Кездесу барысында Атырау Университетінде сыбайлас жемқорлыққа қарсы іс-жұмыстар туралы
Әлеуметтік мәселелер және жастар саясаты жөніндегі проректор Ләйлә Ерболатқызы баяндап, сыбайлас жемқорлыққа қатысты өткізіліп жатырған іс-шараларға тоқталып, мақсатын түсіндірді.
Университетте «Саналы ұрпақ -жарқын болашақ» жобасы аясында сыбайлас жемқорлыққа қарсы тиісті жұмыстар жасалып, өз нәтижесін көрсетуде. Жоба аясында құрылған «Адал ұрпақ» клубына студенттер өздері басшылық етіп, клуб жұмысын студенттік өзін-өзі басқару құрылымымен бірге атқарып жүр.
Кездесуде Шыңғыс Нұржанұлы магистранттар мен студенттердің сұрақтарына жауап беріп, сыбайлас жемқорлықты мүлдем болдырмаудың жолдарын түсіндірді. Сонымен қатар Университетіміздегі сыбайлас жемқорлыққа қарсы «Парасаттылық мектебінің» мақсаты мен маңызы, жұмыс барысы айтылды.
Парасаттылық мектебінің негізгі мақсаты: жастар арасында адамгершілік қасиетті, адалдық пен мәдениеттілікті, ізгілік пен имандылықты, парасатты да зиятты тұлғаның мінез-құлқының үлгісін қалыптастыру және жаңа формациядағы сыбайлас жемқорлыққа қарсы қозғалыстың адал да жас өкілдерін дайындау болса, сыбайлас жемқорлыққа қарсы мектеп пен клубтар нәтижесін көрсете беретініне сеніміміз мол!
ПІКІРЛЕР