Жыламасын сәбилер, ауырмасын балалар

Сәуір айының алғашқы күндерінің бірінде облыстық прокуратураның ұйымдастыруымен "Жыл адамы-2014", "Алтын жүрек-2015", "Маленькая страна" қорының жетекшісі Ерлан Күмісқалиев мырзамен кездесу болып өткен болатын. Жиынға университет профессор оқытушылары мен магистрант, студенттер қатынасты.

"Маленькая страна" қоғамдық қоры аутизм, дауна синдромы, тіл кемістігі бар балаларға арналған емдеу-сауықтыру орталығы болып ашылған еді. "Бұл орталықта балаларының күнделікті өмірге үйреніп кетуін, басқа балалар сияқты жүріп, тұрып, сөйлеп кетуін тағатсыздана күтіп жүрген ата-аналар қаншама. Осы жандарға аз да болса көмегіміз тисінші, осы кішкентай бүлдіршіндер ешкімге жаутаңдамай бір қалыпты өмірге үйренсе екен, басқа балалар секілді мектепке барса екен"-деген Ерлан мырза жиынға келгендерге орталықтың әр баласын видеоролик арқылы таныстырып, олардың әр қадамы үшін қуанатынын жеткізді. Қазіргі уақытта осындай аурумен ауыратын балаларға үрке қарайтын ата-аналар мен балаларға деген ренішінде жасырмады. "Бұл балалар осындай болып туылғаны үшін кінәліме, неге біз осы бүлдіршіндерге тілекші бола алмаймыз, неге осы балаларға қамқорлық жасап, қанатымыздың астына ала алмаймыз, кейбір аналар өздерінің баласы үшін жаны ауырып, шырылдаса, олардың ата-әжесі таста, бұл ауру баланы әрі-бері сүйрелемей"-деп айтқан жандардың барын айтып отырғандардың көзіне жас алдырған болатын. Әр сөзінен балаларға деген қамқорлығын, олардың көздерінен кішкентай да болса қуаныш көрсе жігерленіп, қалайда осы баланы аяғынан тұрғызуға көмектескісі келетінін айтып өтті.

         Жиын соңында Ерлан мырзаға облыстық прокуратураның атынан дайындалған сыйлығын тарту етілді.


ПІКІРЛЕР

Тізімге қайта оралу

Хабарландыру!

9 Июл 2020 42