Цифрландырудың білім беру мазмұнына әсері

Цифрландырудың білім беру мазмұнына әсері

6 мамырда информатика кафедрасында қонақ дәрісі өтті. «7М01501-Информатика және білім беруді ақпараттандыру» білім бағдарламасымен білім алушы 2 жыл 1-курс магистранттарына «Цифрландырудың білім беру мазмұнына әсері» атты қонақ дәрісі ұйымдастырылды.

Дәріс қонағы – Абай атындағы Қазақ Ұлттық педагогикалық университетінің Информатика және білімді ақпараттандыру кафедрасының профессоры, педагогика ғылымдарының докторы Сағымбаева Айнұр Есенғазықызы.

Профессор А.Е.Сағымбаева - 13.00.02-Оқыту және тәрбиелеу теориясы мен әдістемесі (информатика, білімді ақпараттандыру) мамандығы бойынша педагогика ғылымдарының докторы, Халықаралық ақпараттандыру академиясының академигі, Абай атындағы ҚазҰПУ философия докторы (PhD),  бейіні бойынша доктор дәрежелерін беру үшін диссертацияларды қорғау жөніндегі Диссертациялық Кеңестің ғалым хатшысы, 200-ден астам ғылыми еңбектері бар.

Университет ректоры, информатика кафедрасының профессоры, педагогика ғылымдарының кандидаты Идрисов Саламат Нұрмұханұлы кіріспе сөз алып, қонағымызға мол жетістіктер мен кәсіби байланысымыздың нығаюына тілек білдірді. Білім беруде цифрландырудың басты міндеті – білім беру сапасын арттыру, яғни халықаралық деңгейде әртүрлі салаларда, атап айтсақ, «жасанды интеллект», «ауқымды деректер» жасау саласындағы бәсекеге қабілетті ел жастарын даярлау болғандықтан, білім берудегі цифрландыру бағытындағы мазмұнды да әсерлі дәріс болды. Қонақ дәрісіне магистранттар мен студенттер, университет оқытушылары, мектеп мұғалімдері мен әдіскерлер қатысты. Дәріс соңында магистранттар сұрақтар қойып, пікірлерін айтты. Кафедра меңгерушісі Майлыбаева А.Ж. қонағымызға алғыс білдіріп қорытындылады.

                                                                             Информатика кафедрасы

ПІКІРЛЕР

Тізімге қайта оралу

ҚҰТТЫҚТАЙМЫЗ!

14 Июн 2021 18